【聽落好突兀】敏感時刻《解決師》將對白「黑警」改為「內鬼」?

《解決師》截圖

喺反修例風波下,香港社會局勢動盪。而警察題材嘅劇集變得敏感,無綫都將一啲敏感題材劇集押後出街,例如《機場特警》及《飛虎之雷霆極戰》。不過由王浩信及唐詩詠主演嘅《解決師》就正在熱播中,雖然以校園作為背景,不過當中都加入咗警察同埋黑社會嘅元素,所以劇集就由講到關於警察叛變嘅問題。

喺上星期五播出嘅第15集,劇情就講到Man Sir(張頴康飾)已經被停職,暗戀佢嘅Ace(馮盈盈飾)就幫手佢一齊調查警隊內鬼。期間Ace仲去咗Man Sir屋企討論,對話中佢哋多次提及「內鬼」。不過有唔少耳利嘅觀眾都聽到「內鬼」怪怪地,懷疑佢哋重配「內鬼」呢兩隻字。咁原本佢哋喺講咩呢?睇返佢哋嘅口形,唔少人都猜測佢哋係講「黑警」。相信係現時「黑警」呢兩隻字真係比較敏感,所以無綫將佢重配改成「內鬼」,其實無綫咁做真係可以理解,不過處理手法就可以改善,因為聽落真係幾突兀㗎。

《解決師》截圖
《解決師》截圖