【職場性騷擾為題材】劇集《假設性無罪》挑戰電視尺度

《假設性無罪》截圖

ViuTV近年推出多套自家製電視劇集,充滿話題性而成功吸引一班觀眾收睇。而最新話題劇《假設性無罪》喺10月3日首播,劇集以職場性騷擾為題材,內容大膽創新。

劇情主要講述女主角王敏奕飾演嘅林梓慧,入職新公司後受到性騷擾,之後向上司何英傑(梁漢文飾)求救!但何英傑除咗面對公司重組同埋婚姻危機之外,佢亦受到其上司鄧秀嬅(張慧儀飾)嘅拋眉弄眼。另外,原來林梓慧進入公司係因為一位前員工蘇淑欣(雷深如飾),咁究竟係乜嘢原因令到梓慧要處心積慮進行報復計劃呢?

《假設性無罪》截圖

王敏奕早前同曾志偉嘅兒子曾國祥結婚,轉頭就即刻播出呢一套話題性十足嘅劇集。而且劇中王敏奕亦有唔少大膽嘅場面,就好似被上司何英傑喺廢屋強姦嘅一幕就已經成為熱話。王敏奕喺劇中亦有不少受到其他男性嘅職場性騷擾,對於剛剛新婚無耐嘅王敏奕老公仔會唔會呷醋呢?又唔知呢套《假設性無罪》會唔會成為佢嘅代表作呢?

梁漢文好耐冇喺電視劇出現,今次再度出山拍劇嘅佢表現又係點呢?一向乖乖仔形象嘅梁漢文今次就可謂突破自己形象,對佢都可謂係一個大挑戰。

《假設性無罪》截圖

另外,以往有唔少性感演出嘅張慧儀,佢就話呢類角色都係第一次嘗試,今次佢仲要大玩性玩具及情挑梁漢文,劇中有性癮嘅佢就真係令觀眾萬分期待啦!

《假設性無罪》截圖