聯絡馬國明許志安?黃心穎喊住咁樣答

聯絡馬國明許志安?黃心穎喊住咁樣答

「安心事件」後潛水8個月嘅黃心穎終於返香港,喺機場佢面對傳媒時講咗近況講到眼泛淚光數度拭淚:「大家好好耐冇見,好開心因為我終於返到屋企,我好想借呢個機會多謝一啲人,我有好好嘅朋友,好好嘅同事,由其係我屋企人,辛苦晒佢哋,甚至乎有啲唔係好識嘅人,佢哋都會send message留言畀好多力量我,令我今日企喺度,喺過去差唔多8個月,都好努力咁生活,雖然我聽到外界有好多猜測,只不過我都係好努力咁生活,I made a mistake and I am trying really hard to live with it,to learn from it.(我犯咗錯,而我正努力嘗試從中學習。)但同時我都覺得我要move on,向前行向前望,無論係我想講嘅或者我要講嘅,私底下同公開我都講咗,所以喺呢件事上面都唔會再有回應,今次返嚟主要係陪屋企人,因為真係好耐冇見,希望大家畀多啲空間我哋,呢段時間多謝大家關心。」

之後她步行登車,期間繼續被記者包圍追訪及拍照,問到會否想再拍劇?她說:「 呢一刻都係以屋企人為先。(Ready工作未?)Ready好多其他嘢,工作遲啲先算。(之前高層樂易玲話你情緒好激動!)依家好好多。(有傳話你要睇心理醫生?)呢啲唔回應喇!(有傳你改名轉行做經紀!)我冇改名,亦都冇轉行。(有冇進修?)我好努力生活。」問到有否跟舊愛馬國明及事件主角許志安聯絡,以及有傳她經濟出現問題,心穎都表示不再回應。問到這段時間家人有否陪伴,她表示要一個人冷靜及面對,至於會留港多久要再決定。約八時十分黃心穎返回油塘住所。

黃心美頭耷耷返歸

約9時20分有外賣送上寓所,其後黃心美匆匆現身步入住所,戴上白色cap帽頭耷耷一言不發,個樣有啲傷心,之後獲經理人搭膊安慰。約11時25分落樓,黃心美在經理人陪同下現身,神情嚴肅,並指想買食物給現場傳媒。問到黃心穎心情如何以及有否與傾談近況,她說:「唔答。」問到她本人疑似眼腫腫,似是喊過,經理人即代答:「唔係。」