老竇最開心 何雁詩大爆鄭俊弘求婚一刻

開心事梗係要happy share啦!

歌手鄭俊弘(Fred)早前向女友何雁詩(Stephanie)求婚成功,並趁元旦宣布訂婚喜訊。呢日Stephanie喺社交網上載求婚一刻嘅照片,當時二人正在蘇梅旅行,但其實Fred一早準備求婚,仲安排親朋好友驚喜現身。

Stephanie晒出三張靚相並逐一講解,一開始未知情嘅佢為男友拍下女友視角相,之後二人喺海邊大歎燭光晚餐,Stephanie更大爆當時Fred非常緊張,直至食完晚飯先鼓起勇氣向佢求婚。最後Fred求婚成功,Stephanie左手無名指已戴上婚戒,親朋好友亦紛紛出現祝賀,Stephanie爸爸更笑得非常開心,畫面溫馨。