老婆多線人 羅仲謙冇得身痕

東方日報
羅仲謙向岑麗香請教生B秘方。

藝人羅仲謙和岑麗香昨日出席珠寶店活動,恨做老竇的謙仔請教香香生B方法。提到有傳謙仔與老婆楊怡造人成功,他大賣關子:「如果成功都唔講住。(有喜訊?)唔知,要問太太先知,如果係都3個月先講。(你放假休息?)唔係,嚟緊返內地拍劇。」對於有指張秀文拍劇時姣溝他,搞到楊怡去監場,他笑言:「我個助手係太太請嘅,TVB同事邊一個唔係我太太老友吖?(你身痕點算?)身痕梗係搵太太𢱑啦,冇第三個人。」

至於取代李佳芯拍《BB來了2》的香香透露明年才開拍,不知劇中老公是誰。她又稱沒想過「執二攤」問題:「有角色就去演,都係一個挑戰。」提到快將35歲生日,她笑言與老公和BB一齊慶祝已很開心。