翠如「射波」 派老公孝敬阿爸

東方日報
翠如自認廚藝不及老公,讓對方做一家之「煮」。

黃翠如昨日現身電視城拍攝劇集《七公主》。講到父親節,她透露家中五姊妹會每人煮一味餸為爸爸慶祝,問她準備了甚麼?她說:「因為我要開工,所以係Edwin(老公蕭正楠)負責,佢尋晚已經開始準備,佢跟佢阿姨學咗一道獨門嘅花雕菜式。(爸爸好開心?)係!而且我大妹係廚師,我知佢準備咗啲勁嘢。」翠如坦言老公的廚藝比她好,多由對方下廚:「佢好鍾意煮嘢食,得閒最鍾意同媽咪、阿姨行街巿。」

講到好友王祖藍昨日宣布再做爸爸,翠如開心地說:「真係好犀利!好多好消息,余文樂同倪晨曦都宣布有喜,係個好開心嘅父親節。」