翠如炮製另類浪漫 蕭正楠收溫暖牌穿窿都冧!

東方日報
蕭正楠兩公婆連放閃都另類啲!

蕭正楠、張兆輝、姚子羚與洪永城等演出的無綫劇集《黃金有罪》正在熱播,飾演熱血記者的阿蕭,希望早日出人頭地照顧父親,期間認識了張兆輝,於對方成為股壇大亨後擔任其左右手,並雙雙與子羚發展一段沒結果的三角戀。

眼神傳情

阿蕭透露劇中性格比較純,雖然暗戀子羚很久,但認為女追男才正確,故一直等女方開口。現實中,他覺得不一定要女追男:「有感覺唔使講嘢,一個動作或眼神已經知。(同翠如都係咁?)又唔係一嚟就係,當年都係拍完部劇先,最後係點就醒唔起,鎖咗落夾萬度。邊個講?是但啦!其實我哋都5年幾啦!不過我好少拎紮花去等人嘅。(咁唔浪漫?)送花唔代表浪漫,我哋係另類浪漫,老婆都係呢類人。」

阿蕭眼中的翠如性格男仔頭,早前兩口子到德國旅行,翠如像小朋友般,每個攤檔都逗留,最終選了一對吊飾。二人將吊飾放於車頭,等同帶着它一同遊埠,雖然平淡,但阿蕭覺得很浪漫。翠如更於出發前為他編織冷頸巾,但製成品相當「奇特」,難得阿蕭照單全收:「雖然好多窿同未勾線,但我都戴住上機,個心好溫暖,呢啲又係浪漫。」

同翠如點開始?蕭正楠笑咪咪唔話你知!
蕭正楠自言與太太都愛另類浪漫,買對小吊飾已開心。