翠如中「降」蕭正楠焗扮玄彬

東方日報
蕭正楠

前港姐馮盈盈前晚以低胸性感Look現身慈善節目,力谷4吋事業線搶盡「峰」頭!至於蕭正楠不論髮型及打扮都似足韓星玄彬的劇集造型,他大爆是老婆黃翠如打造,更笑對方不是孫藝珍,而是「酸菜珍」!

馮盈盈、朱晨麗、蕭正楠、陳煒、周柏豪、譚俊彥及陳展鵬等,前晚出席無綫慈善節目《博愛歡樂傳萬家》,蕭正楠擔任表演嘉賓獻唱張學友的《怎麼捨得你》,笑言是太太黃翠如點歌:「我喺屋企練習嘅時候,佢喺隔籬跟住唱,但就唱錯晒歌詞!(叫埋佢上台唱?)佢喺屋企捐錢啦!」又指最近翠如沉迷於韓劇《愛的迫降》,他這晚的打扮便由太太包辦,正是《愛》劇男主角玄彬的造型,他說:「唔抗拒,因為我都有睇呢套劇。(咁你當翠如係孫藝珍?)佢係孫(酸)菜珍,我係玄(元)彪。」另外,已休息了一段時間的他,透露即將接拍新劇《濟公》,而翠如亦於4月開新劇。

身兼司儀及表演嘉賓的盈盈,開場時穿黑色低胸裙亮相,後來聯同「是非精」及應屆港姐演出Fashion Show環節時,卻換上一襲超低胸晚裝,谷出4吋事業線,期間俯身整理裙襬時效果更震撼!對於成功搶Fo,她笑不攏嘴:「公司專登搵設計師設計唔同嘅裙,大家將我條裙喻為『抗疫裙』,因為可以幫手掃地、抹地同吸塵,能力好強!(大家焦點放喺你個胸度?)設計師係根據每個人特別去分配,麥美恩嗰條都大條嘅,可能我身材比較嬌小,所以要襯埋5吋高踭鞋。」

朱晨麗「冇眼睇」何廣沛咀戲

同是港姐級的朱晨麗,對於緋聞男友何廣沛與江嘉敏於新劇有不少錫錫場面,問到會否探班監場?她扭擰說:「有時間會去探幕後班,唔想阻佢哋開工。」同場的陳展鵬演唱郭富城名曲《愛的呼喚》時,笑指下次想挑戰「舞王」舞技:「娛樂吓大家,但要畀少少時間我練!(個女有聽你練歌?)佢跟住唱添!又會郁嚟郁去跳舞,我就變咗低能仔咁氹佢開心。」

超性感的馮盈盈,做做吓訪問突然烏身……贏晒啦!
朱晨麗甫見晒背的陳煒,即攬攬合照。