翟威廉畀女飛 叫朱智賢做媒

東方日報
朱智賢自爆有好姊妹冧翟威廉,可惜名花有主。

翟威廉與朱智賢前晚在北角為新劇《食腦喪B》開工,劇情交代「自我感覺良好」的翟威廉拍拖期間一直愛「主導」,但關鍵時刻卻棄女友朱智賢於不顧,搞到「吵大鑊」兼被女方提出分手!

講到「畀女飛」,翟威廉自嘲已經是N次:「習慣咗!但冇咗佢,我仲有千千萬萬嘅機會嘅。」朱智賢則指戲外的翟威廉其實很有紳士風度,對方即開玩笑叫她介紹閨蜜,她爆料指其實有身邊好姊妹十分欣賞他:「個姊妹話佢高大靚仔,又識多國語言,印象好好!不過呢位好姊妹已經係人妻!」翟威廉惟有打圓場:「唔緊要,我哋相逢恨晚啫,但佢老公真係好有眼光。」搞到全場忍俊不禁。

袁文傑路過派利是

雖然疫症肆虐,但兩人仍吸引不少途人停步「睇熱鬧」及拍照,不過翟威廉與朱智賢全程未能戴口罩,惟有速成戲分希望能快閃。拍攝期間遇上袁文傑途經該處,他停步寒暄之餘亦相當識做,主動派新春利是給台前幕後,皆大歡喜。

全街戴口罩,得佢兩個冇得戴。
街頭攤牌!朱智賢主動向翟威廉提分手。
袁文傑路過照派利是。