羨慕食極唔肥 余香凝搶阿妹第一次

東方日報
余香凝(左)與妹妹余潔滢聲線相似,一唱一和勁啱Key。

藝人余香凝與妹妹余潔滢向來感情要好,將於3月開處女騷的香凝,找妹妹做嘉賓獻第一次,由於近年以演戲為主,唱Live經驗少,她坦言很緊張,又透露新歌《無得比》亦搵妹妹唱和音,因有Part講述人生低潮時,家人永遠是最重要的支柱,香凝笑說:「依家諗起呢Part都想喊!」她經常讚妹妹:「當年睇佢喺學校演英文歌舞劇,畀佢嚇親,佢講英文同唱都好標準,完全唔怯場,喺台上好似變咗另一個人。」而獻出首次Live的潔滢同樣緊張,因未試過面對那麼多觀眾。

為備戰音樂會,香凝面對賀年美食亦無福消受:「過咗25歲新陳代謝慢咗,好似以前咁食嘢,都去唔番嗰個磅數,會重咗。」由於全家都是女人,她自爆換衫不用遮掩,見到妹妹身材纖瘦即很羨慕,心想:「佢食完啲嘢去咗邊?」更搞笑地「警告」:「你過多幾年睇吓!」

有劇拍最開心

近日潔滢拍攝ViuTV新劇《男排女將》,原來她試鏡當日,香凝像阿媽般緊張:「好希望佢中,知佢中咗真係好開心,周圍同人講我阿妹有電視劇。」她眼中的妹妹很有才能及天分,只是外界認識她在先:「大家好似睇唔到佢有咩特質,我好欣慰佢終於有機會表演畀大家睇。」而潔滢亦坦承有少少壓力,但自知剛入行,要慢慢去學去試:「成班人一齊拍劇好開心,佢哋畀到火花我,好想之後有更多機會。」