群星撐反口 黃子華 封咪留後路

東方新地 - 娛聞

2018年度紅館盛事,唔使講,一定係黃子華封咪前最後一擊、《金盆𠺘口》棟篤笑。

由年初流出開騷消息,子華迷撲飛撲飛再撲飛,終於輪到自己入場睇子華神,話咁快7月31日來到最後一場,紅館內座無虛席、高朋滿座都係為見證子華神「收口」 一刻。

壞消息係話到明最後一次的26場《金盆𠺘口》都畫上句號,好消息係子華神當場預告有機會反口,連老友古巨基都開po撐佢金盆反口,搵食大晒,又有群星齊齊撐,子華反口不是夢!

撰文:東方新地|圖片:新傳媒圖片庫、黃子華FB


黃子華 最後棟篤只限今年

可能係全行keep得最好60後藝人,目測咪最多四張,其實子華60年出世、下個月就滿58歲,所以一口氣棟足26場,尾場子華明顯特別感觸,喊完又喊,又回憶番當年第一次開棟篤笑十三個原因,原來當年因為朋友得了腎病、失眠、想做一個不是喜劇的個人表演、收工後唔想番屋企,最後一點係「因為我就快30歲了!」如今60歲都嚟緊,點解要封咪:「好多人對我封咪有好多揣測,其實因為我成日唔記得嘢,好容易畀觀眾打斷,我好難頂得順演出時有咁多嘢插入嚟。」

反口係真定假仲係未知之數,不過上周五(31日),子華神特別感觸,數度落淚又對住四面觀眾鞠躬致謝。

其實棟篤足三十年、今次講足26晚,尾場子華既沒有顯露老態,亦不見疲態,更不時爆肚臨場加笑料,不過無論子華定觀眾都充滿不捨就肯定。話說觀眾氣氛熱烈不停起哄,子華就讚完大家有力量時又叫住觀眾:「唔好太煽情!」當飲啖水都搞到台下瘋狂時,子華都忍唔住笑:「依家好麻煩,我飲杯水啫。我喺屋企都係咁,我一飲水,全家人食緊飯都放低筷子拍手掌。」當子華當正最後一場嚟做、群星當正最後一場嚟撐、忠實fans都當最後一場嚟撲飛時,大家唔使咁絕望,子華神臨尾竟然賣關子預告有轉機喎:「今年唔會再做(棟篤笑)!搵食啫!報警呀?!」到底係搞gag,定係真係反口,真係得子華神自己最清楚!

黃子華

26場《金盆𠺘口》轉吓眼嚟到最後一場,人人以為子華神有口齒再冇下次,點知尾場又留懸念:「今年唔會再做!」

黃子華

群星撐場

係電視、電影最佳拍檔,佘詩曼等到最尾場壓軸捧場,仲拉埋大隊帶齊七仙女。

黃子華

多年好兄弟吳鎮宇絕對係最神心最「有頭有尾」一個,頭場撐完,尾場再同張達明睇多場。

梁芷珊在FB貼完合照,亦同基仔一樣不捨子華封咪,留言說:「唔好口浪口得唔得呀!」

黃子華

一向為養生早睡早起,不過可能係「余樂天」一世人棟篤笑最後一場,所以Miss毛都瞓少一晚美容覺,成為尾場觀眾。

基仔撐金盆反口

倪震周慧敏夫婦、古巨基及太太,仲有天后容祖兒亦結伴撐子華神尾場,古巨基更在社交平台留言:「不捨,可否金盤(盆)反口?」

感謝祭

開騷即成全城瘋搶盛事,今時今日貴為子華神,黃子華除咗轉數快精警到一個點,最可取之處其實仲有念舊同知恩圖報,可能係最後一次棟篤笑,子華今次特別感觸,亦都特別把握機會,多次在台上感謝多年來扶過自己一把的人。

黃子華

自稱上街野生捕獲發哥再邀請對方睇騷,發哥發嫂當真坐在台下時,子華亦都回憶當年兩次遇上發哥經歷。第一次名不經傳卻被發哥主動握手、第二次拍外景偶遇,兩個月後竟然收到發哥親攝親frame玉照一張。

雖然老友青雲夫妻今次未有到場,不過子華講到與青雲舊事時一度感動流淚:「以前做一場騷已經賺得少,多數又用咗嚟慶功,次次都白做。有一次做完又有人嗌慶功食日本嘢,日本人最叻嗰樣係發明所有食物冇樣嘢係平,但係我想畀錢時,職員話張單有人幫你埋咗喇⋯⋯嗰位仁兄係劉青雲。」

繼第二場姚嘉妮後台抱頭痛哭後,林祖輝尾場再帶埋老婆撐場。原來當年棟篤笑個名林祖輝有份度、開騷申請場地表格係林祖輝幫手攞、首次棟篤笑《娛樂圈血淚史》銷情慘淡,都係林祖輝捱義氣親自上陣周圍貼街招。

仲有對修哥、陸永等人嘅感謝祭。

再來重溫吓子華神發嘅後台福利~

最後棟篤笑尾場 黃子華含淚重提初衷

去到尾聲,講完節目內容嘅子華逐一對四面台鞠躬,當下忍唔住眼濕濕,然後攞出紙巾印去淚水,最後拎起今次棟篤笑嘅「回水杯」,向全場觀眾敬咗一杯!飲完水,子華仲送埋隻杯俾一位台下粉絲。按照慣例,子華完場前都會開金口唱粵曲,但當晚除咗唱粵曲,子華仲難得提起當年搞首場棟篤笑嘅原因。

黃子華

原因有13個?

子華表示當年第一次搞棟篤笑嗰陣其實有出一本小冊子,入面寫咗13個點解要辦棟篤笑嘅原因。

黃子華

原因各式各樣,包括「有朋友得了腎病」、「失眠」。

「做咗一個唔係喜劇嘅個人表演,卻引來不少笑聲。」

「下班後不想回家,回家後不想上班。」

最後一點係因為就30歲。

唱完粵曲,子華雙手合十,走返後台嘅時候有向觀眾揮手,而返到後台後,子華再轉向觀眾,鞠躬答謝,顯得十分不捨。

點止棟篤笑係經典!重溫黃子華激吻Do姐創50點收視佳績

黃子華封咪騷《金盆𠺘口》圓滿結束,雖然大家都仲抱住希望,期待黃子華會再次用另一型式開Show,甚至連古巨基都話想子華神「金盆反口」。但唔理黃子華𠺘口定反口,相信唔少觀眾都好期待黃子華返去公仔箱!單係當年子華同Do姐鄭裕玲嗰一個「世紀之吻」就創下50點收視佳績!一齊重溫一下啦!

樂天插Miss Mo冷血

曾經熱播的處境劇《男親女愛》,由男神黃子華同鄭裕玲擔正,經典組合真係有今生冇來世!今日就同大家回顧吓部分《男親女愛》的必睇位!

樂天向同事訴說小慧對阮婉見死不救。

黃子華(飾演 余樂天)於同事面前大數鄭裕玲(飾演 Miss Mo)不是,話佢對阮婉見死不救!

小慧為了新媽咪要變賣首飾。

鄭裕玲(Miss Mo)同日仙去保險箱提取多年儲蓄及珠寶金飾,話要變賣幫阮婉賠款予朱太,日仙對鄭裕玲(Miss Mo)做法大惑不解。

樂天疑Miss Mo整容

日仙說小慧入住的醫院常有女人做整容手術。

鄭裕玲(Miss Mo)整傷塊面入院,日仙同黃子華(樂天)說鄭裕玲(Miss Mo)入住嘅醫院常有女人做整容手術,令樂天大感好奇!

養安醫院保安比庫房嚴密,要偷拍可不容易。

黃子華(樂天)到醫院進行偷拍,點知醫院保安比銀行更嚴密,樂天仲被捉到斷正!

Miss Mo罕有萬歲

小慧打贏官司,請大家吃火鍋。

平時勁慳家嘅鄭裕玲(Miss Mo)因打贏官司,請大家食飯,黃子華(樂天)梗係有食狂食!

律師行各人齊齊指責樂天很cheap。

鄭裕玲(Miss Mo)將朱太照片交俾鐵男,黃子華(樂天)向鐵男索取朱太照片,鄭裕玲(Miss Mo)卻追出告訴鐵男朱太出價買回相片,黃子華(樂天)被拆穿為錢出賣鐵男,律師行各人齊齊指責黃子華(樂天)很cheap!

笑娥鐵男返新工

笑娥的新工作是「企堂」。
鐵男找到了新的記者工作。

阮小儀(飾演 笑娥)同鐵男都搵到新工作,分別做企堂同色情雜誌記者,二人都覺得新工作不太適合自己而互相訴苦!

Miss Mo寸樂天工作表現差

小慧說樂天經常收到警告信仍能繼續在律師行工作,應請吃飯。

鄭裕玲(Miss Mo)寸黃子華(樂天)經常收到警告信但仍能繼續於律師行工作,真係行好運,所以屈佢請食飯。

鐵男的良朋雜誌連小慧都給悶得睡床了。

而鐵男轉去另一間雜誌社工作,鄭裕玲(Miss Mo)睇佢有份做嘅雜誌時,就悶到瞓着!

Miss Mo自爆曾投稿

小慧在五年級時原來曾投稿往小良朋雜誌。

鄭裕玲(Miss Mo)向爸爸表示,五年級時曾投稿去雜誌,文章更被成功刊登。

日仙帶鐵男往求簽轉運。

鐵男呻頭頭碰着黑,日仙帶佢去求簽轉運,鐵男竟跌得一地都係簽!黃子華(樂天)代鐵男解說簽語,因胡說一通所以被鄭裕玲(Miss Mo)質疑。

Miss Mo被偷拍

狗仔隊將小慧當是高太偷拍。

鄭裕玲(Miss Mo)返家時被記者當高太不停偷拍,大罵記者並說要追究。鄭裕玲(Miss Mo)要黃子華(樂天)打信投訴偷拍嘅記者,黃子華(樂天)暗地裏大罵鄭裕玲(Miss Mo)其實妒忌高太!

小慧怕阮婉被狗仔隊偷拍蝕底,要她多穿幾件衫。

阮婉被鄭裕玲(Miss Mo)要求多穿幾件衫,因為怕佢被狗仔隊偷拍蝕底晒!

Miss Mo登雜誌封面

小慧一入即發現眾人在竊竊私語。

鄭裕玲(Miss Mo)返律師行時聽見周遭人竊竊私語,原來佢張掩面相被登咗做雜誌封面。黃子華(樂天)揶揄鄭裕玲(Miss Mo), 慘被剋扣交際費!

Miss Mo見真命天子

青無蓮上師何以作時裝打扮,又和這個男人如此親熱?

鄭裕玲(Miss Mo)問青無蓮如何可以得見真命天子,青無蓮教佢返家於十二點時喺鏡前削蘋果皮,便可見到真命天子,怎料鐵男竟然在鏡中出現!

Miss Mo夢中結婚

日仙苦口苦臉,原來買了一打假靈石。

鄭裕玲(Miss Mo)發夢自己嫁俾鐵男,遭一眾同事和父親闖入阻止,鄭裕玲(Miss Mo)辯護之時,黃子華(樂天)出現說自己已愛上她,嚇到鄭裕玲(Miss Mo)驚醒過來。

Miss Mo突然有潔癖

148w21a_l

鄭裕玲(Miss Mo)發夢同鐵男拍拖,以為與鐵男曾一夜風流,擔心被拋棄。鄭裕玲(Miss Mo)試探鐵男,鐵男說唔會隨便對人講。鄭裕玲(Miss Mo)決定要洗衫毀屍滅迹,連黃子華(樂天)嘅內褲都洗到褪色,因此被鬧多餘。

樂天到酒吧偷拍

149w22a_l

黃子華(樂天)為查案到酒吧進行偷拍,竟遇到亨利,一齊互數CK惡行,亨利更帶黃子華(樂天)往由士多房改裝的發洩房打「 CK沙包」。

日仙轉行性感

149w23b_l

日仙為了事業同愛情,實行以性感look示人,希望有運行!

Miss Mo查姻緣

149w24b_l

阮婉同黃子華(樂天)玩九星連珠情感測試,鄭裕玲(Miss Mo)指玩法幼稚。轉頭卻偷偷於房中測試,覺得效果奇佳。

樂天被疑患妄想症

149w25a_l

黃子華(樂天)為自己有美女送上門都不為所動而後悔,向女同事訴苦並徵詢對策。各人質疑黃子華(樂天)說謊,鄭裕玲(Miss Mo)大肆奚落,更落注5千打賭黃子華(樂天)根本不會獲美女垂青。

樂天宣布甩拖

149w26a_l

黃子華(樂天)宣布甩拖,又請同事中午食分手宴。各人大吃鮑蔘翅肚,埋單8千8,黃子華(樂天)惆悵沒錢找數,侍應卻說只需簽單便可 !

樂天獲贈名錶

150w27a_l

Audrey上律師樓送咗隻價值十多萬的名錶俾黃子華(樂天)做分手禮物,黃子華(樂天)開心到不得了,更同小強慶祝!

阮婉陪客打波

150w28b_l

阮婉辦事能力好,獲CK賞識,更同CK一齊見客打波!

Miss Mo妒忌阮婉

150w29b_l

鄭裕玲(Miss Mo)帶阮婉見時裝設計師,見阮婉被讚有模特兒天分,鄭裕玲(Miss Mo)便妒忌起來!更跟其他女同事一齊夾計趕走阮婉!

Miss Mo樂天飲悶酒

150w30b_l

阮婉後來到酒吧工作,鄭裕玲(Miss Mo)同黃子華(樂天)便到酒吧睇吓對方工作情況,卻見好多男人排隊。二人見阮婉好熟手咁調酒,一時目瞪口呆。

樂天險被炒

150w31b_l

CK見黃子華(樂天)用光茶葉,就想將佢炒掉,又召佢入辦公室訓話。黃子華(樂天)迷糊間說出阮婉新工作地點,令好色嘅CK興奮不已!

Miss Mo跟蹤樂天

151w32b_l

鄭裕玲(Miss Mo)見黃子華(樂天)深夜經常外出,跟蹤佢到阮婉工作嘅酒吧,發現日仙亦在。阮婉在示範調酒技術後,客人都大叫精采!有男客人要請阮婉喝酒,黃子華(樂天)突然走出並將酒杯搶過來一飲而盡,之後醉倒要鄭裕玲(Miss Mo)扶走。

日仙到酒吧上班

151w33b_l

CK得知阮婉於酒吧大受男士歡迎,一心想去抽水!點知到達後,卻發現調酒師竟換上日仙,大感無癮!

阮婉返新工

151w34a_l

阮婉辭去酒吧工作,轉職雜誌社,由於熟識操作電腦,即被各老臣要求幫忙,點知忙到冇停手!

Miss Mo誤會阮婉欲自殺

151w35b_l

因新公司老臣子爭執一事,而悶悶不樂嘅阮婉,到碼頭散心,鄭裕玲(Miss Mo)等人乘的士追至,見阮婉獨坐碼頭邊 ,以為佢想跳海自殺。各人推鄭裕玲(Miss Mo)當談判專家,於是手牽手走到阮婉身旁,才發現佢正在釣魚!

阮婉重新出發

151w36a_l

鄭裕玲(Miss Mo)擔心阮婉會自殺,一早醒來見阮婉危立窗旁,即時拉佢落嚟。原來阮婉已經忘記所有不快,再次投入家務工作。

樂天被指係色魔

152w37b_l

黃子華(樂天)覺得間中扮樣衰原來都有着數,因為回家時為要收睇賽馬節目,扮樣衰成功嚇走鄭裕玲(Miss Mo)等人。之後黃子華(樂天)同鄭裕玲(Miss Mo)陪英俊往警署認人,鄭裕玲(Miss Mo)叫黃子華(樂天)扮「嫌疑犯」與英俊站在一起讓阿婆認人,點知竟被指係色魔!

樂天官非纏身

152w38a_l

黃子華(樂天)官非纏身,惟有請教相士,相士指佢一副衰相,冇計可施,但若俾9萬打番場齋,可能有轉機,黃子華(樂天)當然冇上當。

樂天被排斥

152w39a_l

因被疑係色魔,黃子華(樂天)被男女同事排斥,黃子華(樂天)要求同鄭裕玲(Miss Mo)傾談,但鄭裕玲(Miss Mo)唔俾佢接近,仲限制佢只能企於牆邊嘅黃線以外。

樂天詐死

黃子華 男親女愛

黃子華(樂天)因被鄭裕玲(Miss Mo)扑中頭部入院,送院後,醫生指黃子華(樂天)生存意志力十分薄弱,鄭裕玲(Miss Mo)慌忙替自己辯護,鐵男同阮婉不敢苟同。

最經典畫面

當年呢個世紀之吻曾創下50點收視!睇片啦!

黃子華

延伸閱讀:

森美vs杜如風 邊位旅遊主持係你至愛?

港姐出身 演得又talk得!重溫陳秀珠1/3世紀的星光