《美味天王》重播 古天樂嗌熄電視

《美味天王》真係好好睇㗎!

藝人古天樂及宣萱出席護膚品牌活動,兩人分享近況及護膚心得,並為模特兒按摩面部,宣萱手勢純熟,古仔則反方向亂碌,更作狀篤女model的鼻窿,場面搞笑!兩人透露正忙於新片拍攝,應該幾日內煞科,古仔表示新年前又要忙拍另一套戲,不過新年也會有一星期假期:「年年都會留港同啲親戚拜年,係一年一次嘅習俗。」宣萱透露會留港度歲,不會揀旺季旅行。

講到近一年頻頻合作,最近已是合作第三部電影,問到是否已對厭? 兩人笑言有永恒的默契,宣萱說:「佢開工嗰陣唔得閒理我,但大家都係好直接嘅人,咁樣幾好。(有冇試過鬧交?)真係冇試過。」古仔說:「 我熟佢性格就會放心啲,做演員最緊要演好部戲,至多有意見唔同。」講到兩人廿多年前合演的TVB劇集《美味天王》今晚重播,古仔笑言向來很少重睇舊作,還叫大家準時熄電視:「拍嗰陣已經睇好多,所以唔使睇番,向前看!」相反宣萱覺得是很好的回憶:「有時間會再睇,好搞笑,我個馬騮頭。」不過古仔表示父母有幫他儲起剪報甚至舊作錄影帶。

提到同公司的林峯將結婚,古仔表示會送禮物,但暫時未想到送甚麼,而且會先守秘密。宣萱則表示看對方有何需要,例如搬屋要添置甚麼用品。講到近月香港市道低迷,問會否開更多電影與本土同業?古仔表示要視乎環境,希望整個行業一同加油。

宣萱手法純熟。
古仔就玩嘢。