羅思雅做媒人 幫張可盈開齋

東方日報
幾位亞姐着旗袍寫揮春賀年。

亞洲小姐江雨婷、羅思雅、張雯、范莎莎、張可盈和羅燕霏,早前齊齊穿旗袍寫揮春應節,當中肖鼠的張雯和范莎莎發揮創意,用毛筆畫年畫。范莎莎聽聞飲南瓜湯和食金奇異果有助旺財,她笑言會多食,張雯亦表示要跟風。兩人最大願望是大紅大紫,張雯期望公司搞的網紅培訓學院,助她闖出一片天:「我同普通女仔一樣鍾意食嘢、扮靚,本身讀酒店,對酒店試玩、試食好有興趣,有冇『酒店試睡員』呢個位?」在外國長大的范莎莎則想成為旅遊達人,走遍全世界。

去年甩拖的羅思雅坦言恨桃花,但得知24歲的張可盈未拍過拖後,即笑言要先為她介紹「高富帥」,張可盈尷尬地說:「未拍過拖,可能自己生得高(1米75),中學又讀女校,所以好少接觸男仔。高富帥?高得喇!最難係呢樣。」

江雨婷與羅燕霏最投契,指對方很像她一位好友,羅燕霏說:「唔知點解我個樣似好多個人,羅思雅都話我似佢個朋友,可能我夠普通。」江雨婷指4月會拉隊捧場,支持羅燕霏有份演出的舞台劇《戀上十二星座》,反擊疏離之說,並說:「我哋幾Friend!真係冇勾心鬥角,我哋好和平,冇小圈子。」

羅思雅(左)想為張可盈覓得「高富帥」,體會戀愛滋味。
范莎莎最想走勻世界各地。