羅天宇陳瀅被爆秘遊東京睇芝櫻

羅天宇陳瀅被爆秘遊東京睇芝櫻

29歲嘅「宅男女神」陳瀅(Jeannie)係近年無綫力捧小花之一,憑住甜美外貌加上不俗嘅演技,深得一班網民喜愛。除咗有觀眾緣之外,佢嘅桃花緣亦非常旺盛,自從16年與賭王兒子何猷亨分手後,佢嘅緋聞新聞幾乎冇停過,好似有陳家樂、羅天宇、余德丞、方力申及張振朗等等。喺上年年尾,陳家樂與陳瀅就被傳因合作拍攝《廉政行動2019》而日久生情,除咗有報道指去日本餐廳撐枱腳之外,佢哋仲被爆秘遊東京及sweet住完成慈善跑山比賽活動。唔少人都等緊佢哋承認戀情,不過今日就有報道指Jeannie孖羅天宇同遊日本。

Jeannie在IG上載睇芝櫻的照片

報道指Jeannie及羅天宇,連同幾位圈外友人去咗東京睇「富士芝櫻祭」。爆料者去完洗手間,佢就見到陳瀅企喺啲檔口前面撳電話,同友人傾計,而羅天宇就企喺陳瀅後面,仲好避忌咁保持少少距離。其後,陳瀅朋友發現被偷拍後,就遮住陳瀅即刻走人。

羅天宇在IG上載在日本的照片

喺5月中嘅時候,Jeannie就上載咗兩張喺東京打卡嘅個人相片,其中一張就係去咗睇芝櫻,佢話自己放假中。而羅天宇就只係喺5月尾上載東京旅遊嘅相片,當中一張係同現時喺東京留學嘅蔣家旻嘅合照。蔣家旻亦喺同日上載與羅天宇嘅合照。

羅天宇與蔣家旻在東京的合照