羅嘉良孖大陸網紅Sell貨 網民唔Buy嘲自貶身價

羅嘉良連直播Sell貨都撈埋!

已轉戰大陸發展多時嘅羅嘉良(撈家),近期密密喺大陸社交平台拍片,最近仲進攻埋直播界孖網紅Sell貨搵銀!喺直播前,佢就孖呢對網紅「廣東夫婦」一齊拍咗幾條片作宣傳之用,佢重現佢喺經典劇《難兄難弟》「奇哥」一角,但被網民批娘味濃而且浮誇!

變晒裝博到盡!
化身奇哥…
果然係撈家…咩都撈…

到直播開始,唔知係咪第一次玩嘅關係,撈家唔係好識講嘢,有啲尷尬,但當粉絲要求佢唱歌時,佢就表現相當落力有求必應,一連獻唱幾首歌包括代表作《歲月的童話》,直播賣貨秒變演唱會!雖然鏡頭開晒濾鏡,但似乎都掩飾唔到撈家嘅疲態,雙眼浮腫,眼袋盡現。

起初有啲硬軚…
但當粉絲叫佢唱歌時即刻獻唱!
唱到七情上面!

有網民就唔係好Buy佢落場Sell貨,覺得貴為三屆視帝嘅佢竟然自貶身價,要同網紅開直播,而且只有兩萬人睇,交易額唔多理想,有人直言:「以前很喜歡你,你的電視劇都看過,但現在和網紅在一起,說實話很心疼,太掉你的價了!」不過都有網民覺得只係把握賺快錢嘅機會,何樂而不為呢?

《難兄難弟》
《天地豪情》
《流金歲月》
如今已經轉戰大陸!
昔日嘅三屆視帝!