羅力威:雨僑做咩我都好冧!

東方日報
雨僑翹實羅力威,冧爆稱婚後萬大事都有老公!


雨僑與未婚夫羅力威昨日食情人節大餐,共度婚前最後一個情人節。期間兩人不停放閃,雖然阿威踢爆雨僑為人「呢啡」,但大讚雨僑做任何事都冧到他,而雨僑亦甜爆表示婚後會較輕鬆,因為萬大事都有老公!


即將拉埋天窗的歌手雨僑與羅力威昨日到紅磡慶祝情人節,並率先試食白色情人節(3月14日)套餐,共度浪漫時光,但雨僑表示原來兩人甚少慶祝節日:「因為日日都係情人節,結婚之後都係情人節。」講到為對方做過最冧的事,阿威即大放閃光彈:「其實佢做咩我都好冧,有時煮嘢畀我食已經好冧。」又坦言兩人有心靈感應:「我哋好清楚對方會做啲咩、鍾意同唔鍾意做啲咩,互相了解到佢一趷起條尾就知佢想做咩。」


升呢人夫感緊張


講到如此了解對方,叫他們即場數對方的優點缺點,雨僑先讚阿威細心,缺點就是經常改變主意:「例如佢揸緊車話睇完戲先食嘢,下一秒毫不解釋就急轉彎,一落車就去買嘢食。」而阿威就讚雨僑成熟、聰明及為人正常:「我哋嘅正常係諗嘢同價值觀方面,佢有晒所有優點,好識喺人哋立場諗。」但同時亦大爆雨僑為人「呢啡」:「佢啲手袋好亂!同埋除隻襪出嚟係反嘅,除件衫出嚟隻袖喺件衫入面。」


提到將於3月31日結婚,阿威坦言對升呢人夫感到少少緊張:「我一路都似細路仔,有時講嘢冇顧好多嘢,但結咗婚就好多嘢要顧,包括言行舉止同心態,都要提醒自己成熟啲。」雨僑就覺得結婚後會較從容,因萬大事都有老公。講到婚禮安排,阿威表示簡單開心就可以:「最重要唔係儀式,而係儀式後兩個人行嗰段路。」


生仔買樓隨時負擔到


至於可有置業計劃?雨僑說:「呢方面唔太擔心,我哋一直都唔覺得物質係好重要,覺得依家住嘅地方都幾舒服,直至生小朋友先考慮買樓,到時要諗住邊同校網,唔再好似依家咁瀟灑,鍾意租邊度就租邊度。」問到預計何時會儲夠錢生仔買樓?雨僑指隨時都可以負擔得到,但心智就未準備好。講到農曆新年,兩人明言不會搶閘派利是,因為未結婚,但會派開工利是。


文:音樂組


髮型:Adam Hui @ W SALON BY IL Colpo


雨僑服裝:DorisKath


羅力威化妝:Lily Lam @ndnco


場地及套餐:都會海逸酒店千鶴日本料理

羅力威與雨僑共度婚前最後一個情人節,食番餐好嘅!
你睇羅力威氹到雨僑幾開心!

 

是日精選

古巨基匿被竇唱毒男版-愛與誠-單身巴打-好治癒呀
少婦聯盟互爆馭仔術-搶做狗年新娘
農夫-網友認錯我哋係mc-jin
情人節鬥放閃-謙仔-楊怡大髀-祖藍攬妻慶結婚三周年
謝杏芳原諒林丹偷食無懼捱鬧
馮盈盈-情人節同男友去酒店
早前爆出拖延服役風波-gd閃電入伍暫別歌迷
自爆甩拖-周嘉儀-冇情人嘅情人節都可以好快樂
火火唔想要bb-同老婆吵大鑊
吳若希暗寸老公講大話
林欣彤誤做第三者-冇得-秒就放低
羅傑承梁芷珊驚爆離婚
波多野結衣-讚趙永洪溫柔
女伴多多-曾戀陳加玲-尖東消遣遇襲