羅力威煲劇睇樣唔睇演技

東方日報
老婆雨僑拍劇,羅力威有理冇理都讚正!

歌手羅力威昨日到電台宣傳新歌《仙水》,因疫情肆虐,他表示新年只有一日外出拜年,其餘時間都與太太雨僑留家煲劇,並分享「的士驚魂」:「嗰日我冇戴口罩,佢有戴,的士司機話架車之前載過醫院姑娘,我聽到好驚,返到屋企即刻沖涼同將啲衫攞去洗!如果因為我疏忽搞到出事,影響到身邊人,我會非常後悔!」他直言經歷過近半年的社會運動及疫情後,體會到太太對自己最重要。為健康着想,他暫時不會外遊,亦沒有內地工作。

提到雨僑有份演出的ViuTV劇集《好人好姐》近日播映,他表示有捧場:「但係我用電話駁電視度,兩個人一齊睇番,所以痛苦冇得撳電話,要陪佢睇晒。(有冇讚佢嘅演技?)佢喺套劇好靚,演成點唔重要!」