羅仲謙驚楊怡鬧受傷死頂

東方日報
羅仲謙坦言拍動作戲,難免會受傷!

羅仲謙日前為新劇開工,笑言如果拍劇受傷的話不敢告訴太太楊怡,寧願死頂都不想被對方鬧!因為拍劇搞到甚少時間湊女的他,笑言煞科後要跟太太惡補湊B知識!

日前羅仲謙在大埔一間船廠拍攝無綫新劇《陀槍師姐2020》,與海俊傑、鄭俊弘(Fred)等拍攝一場快艇追逐槍戰戲份。海俊傑自爆之前不慎打傷阿謙,震傷對方的腮,阿謙即笑說:「我以為海哥唱功得,估唔到原來內功咁深厚、氣功都得!好彩我內功都深厚。」他們又坦言拍動作戲難免會拉傷腳,問到回家可會叫老婆幫手按摩?阿謙笑說:「我呢啲梗係傷咗都唔出聲啦,會畀人鬧o架,所以死頂返去話冇嘢呀!」海俊傑則笑說:「佢呢啲就係真正嘅男子漢,但我唔係,我郁啲就會話好痛,梗係詐嬌啦!」阿謙即說:「因為大家嘅太太唔同。(楊怡會鬧你?)佢會話都叫咗你小心啲o架啦,哦吓你咁,所以我就會扮冇事。」

鄭俊弘兇神惡煞

他又表示因忙於拍劇,很少時間照顧兩個月大的囡囡,笑言很多湊B知識都未學懂:「換片、餵奶都係馬馬虎虎,我驚我太大力整親個女就大鑊,所以等套劇煞科後真係要跟老婆重新學習,佢依家非常熟手。」

至於飾演黑幫頭目的Fred,造型兇神惡煞,最搶眼是頸上的大紋身,與平時官仔骨骨截然不同,他說:「呢個角色好惡、不擇手段、暴躁。(未婚妻何雁詩見到呢個造型覺得點?)佢覺得幾得意。」又透露拍到本月底就煞科,之後有較多時間籌備11月的婚禮。

仲出動埋快艇,場面逼真!
揸住支槍的鄭俊弘與羅仲謙(右)拍攝槍戰戲份。
海俊傑揸槍甫士夠晒型!