羅仲謙爆洪永城就嚟做老竇

東方日報
洪永城(右)被羅仲謙爆料指快將成為人父,即揚言要向對方取經。

藝人羅仲謙與洪永城(Tony)因拍劇成為好友,面對阿謙提起囡囡四萬咁口,與女友感情穩定的Tony也同樣心心眼,前晚二人出席新劇煞科宴,阿謙爆Tony快將成為人父,Tony也坦承正朝該方向進發,有好消息會公布!

宣萱、陳豪、羅仲謙、滕麗名、洪永城、林穎彤、鄧佩儀及麥美恩等,前晚出席無綫劇集《陀槍師姐2020》煞科宴,一眾主演夾份埋單,皆大歡喜。為角色留鬚幾個月的阿謙,隨着劇集煞科終於變回青靚白淨,問到囡囡是否最開心?他笑說:「佢Keep住高傲,望我一眼就望其他地方,但老婆見我冇鬚就好滿足。(囡囡改咗名?)搵人改咗!但等百日宴先公布。」

阿謙隨即預告Tony也快將升任爸爸,令對方哭笑不得,皆因有相士批他與女友同居會容易有BB,難怪Tony說:「都係朝住呢個步伐方向進發,總之有好消息會同大家講,我係Ready,都差唔多年紀,阿謙細過我都做咗爸爸,不過都唔計劃咁多,會向阿謙取吓經嘅!」阿謙則坦言拍劇時有向陳豪取經,獲悉小朋友未滿1歲已安排返Playgroup,非常有壓力。

宣萱拍到癲

而宣萱透露拍攝4個月以來非常瘋癲,皆因遇上疫情,人人戴口罩,政府也呼籲市民留家抗疫,但她卻日日開工,故大感壓力。阿滕亦大表認同:「我哋不停唔喺屋企,因為禁聚令好多街戲變車戲,所以喺公司整晒車Cam之後,我哋就揸車出去,因為都係得我一個人,咪係冇聚到囉,真係好嘢o架!」對於馬蹄露姪仔馬米高最近出書爆料,自爆曾被資深女藝員奚落,有指滕麗名乃嫌疑人物,對此她說:「完全唔記得,同埋我鍾意自己帶櫈。(會唔會畀其他人坐?)隨便坐。」

至於陳豪主演的新劇《殺手》對撼ViuTV劇集《地產仔》,他表示不擔心比較:「拍劇梗係希望人睇,唔會因為自己而話人哋唔好,希望大家都有好成績,百花齊放!」

宣萱在疫境中拍劇壓力大增,如今煞科,可以鬆番口氣!
陳豪出席劇集煞科宴。
滕麗名