羅仲謙唔叻講大話造人認唔得

東方日報
講到「造人」話題,羅仲謙笑成咁,張曦雯又話自己都好努力喎!

無綫劇集《木棘証人》演員羅仲謙、張曦雯、張秀文等前晚在電視城為節目《娛樂大家》擔任嘉賓。羅仲謙自言唔識講大話,所以玩遊戲很差:「綵排嗰陣,個個講大話都好叻,我就一係過度興奮、一係過度心虛,好容易被察覺。」張曦雯亦承認唔叻講大話:「會面紅囉,所以頭先玩遊戲特登玩得冇咁叻。」

近日羅仲謙被拍得接載外母到街市買餸,十分乖仔,他說:「呢啲係責任嚟,因為大埔我熟啲,可以嘅話都會做司機。(最近被困大埔?)冇被困,OK嘅,可以多啲同老婆相處吓。(努力『造人』?)大家都辛苦,為生活頻撲,做人都係辛苦,『造人』就隨緣啦。你估後生仔咩,拖吓手仔都會有,我哋呢啲唔得喇!」張曦雯在旁笑言亦努力做人:「努力為新劇《踩過界II》去盲人中心上堂學習扮演盲人。」

楊怡要加油呀!