網民:好難信佢無整過囉! 索爆張曦雯舊照流出惹整容疑雲

東方新地 - 娛聞

原本有巴打開post讚張曦雯(Kelly) 靚,不過跟隊有唔少人留言話女神進化咗好多,仲有大量舊照流出,有人認為Kelly有整容,大家點睇呢?

撰文:娛聞樂|圖片:Instagram | 編輯:東方新地

延伸閱讀:

呀媽一句打氣說話整喊職場新人 網民:係愛呀!

公開何超蓮不節食健康瘦身秘訣 想弗爆原來要咁做!

索爆張曦雯舊照流出惹整容疑雲

華姐冠軍張曦雯人又高,又靚,加上平時拍《3日2夜》夠晒放,吸埋唔少宅男粉絲,加上近期大台做埋主角,難免有唔少人討論。近日有巴打開post讚張曦雯靚,不過跟隊有唔少人留言話女神進化咗好多,仲有大量舊照流出,畀人話佢整過容喎!

Happy 1st Birthday Nala 🐕 thank you for bringing so much joy into my life ❤️ (and adventure into Louie's)

A post shared by Kelly Hei Man Cheung 張曦雯 (@kelllycheung) on Mar 17, 2018 at 7:32am PDT







有圖有真相!真係好大分別!

雖然都係靚,但隻眼明顯有唔同……

仲有個鼻!明顯高咗,鼻頭尖咗咁。不過張曦雯就話屋企有好多由細到大嘅相,個樣同而家一樣,所以唔驚畀人話佢整容,大家又點睇先?

《跳躍生命線》長腿張曦雯成焦點 原來為咗套劇仲特登……

張曦雯(Kelly) 一向畀人高貴有氣質嘅感覺,相信大家最記得都係佢曾經主持明珠台節目《港生活.港享受》。

《跳躍生命線》

又曾經喺網上直播打機時驚得制爆粗,吸引大批網民之後欣賞佢打機時嘅真性情。


相信大家呢排有睇開《跳躍生命線》都會留意到Kelly嘅演出,喺劇中佢飾演一名外國回流嘅女生,一時做車房技工,一時做芭蕾舞教師,剛柔並重。

雖然Kelly戲份比起陳瀅同劉佩玥較少,不過Kelly喺劇中盡顯Fit爆身材,都得到唔少正面評價。

Kelly喺劇中需要揸電單車,所以之前返美國都有向親戚請教。雖然最後都無考到電單車牌,但係喺劇中著上皮褸加上啡金長髮都入型入格,相當有型!


Kelly為咗配合劇中形象,更加犧牲自己對耳仔!原來本來兩邊都各有耳環窿嘅佢,之後再喺右耳耳骨同耳門穿多幾個窿,而家一共有10個耳窿!真係唔講都留意唔到,可以見到Kelly對自己嘅角色都落咗力研究。

長腿女神張曦雯 呢7位男藝人先襯到佢?

|馬德鐘

馬神馬德鐘以前G4(要員保護組) 出身,身高185cm兼有健碩肌肉,雖然已經50歲不過keep得勁好完全冇走樣,每次演專業人士都係冇得輸!今次《跳躍生命線》中馬神與張曦雯對手戲相當多,不過馬神的身高當然唔會被女神比下去!

馬神都仲高張曦雯一截!

|王浩信

身高186cm的王浩信喺大台中「高人一等」,靚仔又有型更是出爐視帝,無論外型定演技都絕對襯得起張曦雯。嚟緊兩人會在劇集《解決師》中合作,每人期待!

王浩信應該從來都唔會擔心女星身高對自己有影響啦~

|馬國明

「天然呆」馬國明身高183cm,樣貌、演技一樣掂,雖然話未攞過視帝,都絕對無損其TVB一線小生地位!馬明同張曦雯會在新劇《白色強人》中合作,齊齊演醫生,

馬明亦係TVB高佬之一。
好衰講句,安仔就爭少少啦!

|陳豪

TVB另一型佬陳豪,同馬明一樣身高183cm,演出經驗豐富,雖然同張曦雯相差接近20年,不過相信一樣襯!可惜兩人暫時未有機會在劇集合作。

陳豪喺新劇《殺手》造型。

|黎諾懿

「神之馬壯」黎諾懿憑《愛回家》彈起後,近年演出機會漸多,不少角色都有不俗發揮,早前喺《BB來了》飾演新手爸爸亦是大受好評!話說黎諾懿那些年貴為「奧運六星」之一,樣貌身材都有番咁上下,183cm高過大部分女星啦!

「神之馬壯」黎諾懿。
黎諾懿高過大部分16幾cm女星一大截。

|袁文傑

由亞視轉投無綫的型男袁文傑,去年憑《不懂撒嬌的女人》中「游生」一角人氣急升,不過最厲害都係其188cm身高,喺街離遠都望到佢,仲要小心俾招牌撞親頭!台慶時袁文傑同兩位高妹陳敏之及陳貝兒一齊行紅地氈,輕鬆啦!

袁文傑夠高大,著西裝真係無得輸。
陳敏之同陳貝兒都係「高人一等」女藝人,真係要袁文傑先襯得起!

|周柏豪

型男周柏豪都唔使多介紹啦,182cm模特兒身高、健碩肌肉,仲係全香港最適合梳「比比鳥頭」的男人!柏豪近年開始參與TVB劇集演出,於《使徒行者2》及現時《再創世紀》都有不俗表現,期待佢會同高妹張曦雯合作!


同「飯托」Karen撞樣!觀眾昐《愛回家》池美麗重演案情 網民:一定笑到癲!

【周遊東京2】隱世小店起初拒絕採訪 周奕瑋誠意打動老闆娘獲破例一次

網民:填詞嗰個係咪詞窮啊? TVB洗腦式主題曲必定有呢4個字

延伸閱讀:

事隔30年再晒同杜德偉合照!張繼聰:佢完全冇變過