網民數臭?陳嘉倩:無中生有

東方日報
面對網民的「揞名」攻擊,陳嘉倩一笑置之。

前新聞主播陳嘉倩轉戰娛樂圈後吸納不少粉絲,但卻人紅是非多!近日有網民表示代朋友「出氣」,透露與一位前無綫新聞主播傾合作:「以前都聽過好多記者朋友話佢好臭寸,我都唔信,話晒都係宅男女神,點會唔識得待人接物。」之後爆料指約她傾工作,對方最少遲到1小時:「以為自己係咩?姐仔?有18萬粉絲好威?對不起!你連做人最簡單嘅禮貌都未識!請收皮!」並上載一張打格相,該相片陳嘉倩亦上載過。

對此,陳嘉倩凌晨時分在社交網間接回應:「原來依家冇證據就可以隨便定義一個人嗎?尋日余浩宗(前無綫新聞主播)話我係男人,唔通我就真係男人咩?」又稱「一笑置之」、「花時間做有意義嘅事對身心更有益」。本報昨日聯絡上她,她說:「謠言止於智者,無中生有嘅嘢唔再特別回應啦,謝謝你!」