網友發起到國慶嘉年華「追星」 JW吳業坤臨場被取消演出

網友發起到國慶嘉年華「追星」 JW吳業坤臨場被取消演出

最近每逢周末都有唔少網友發起嘅各類型「活動」,22號除咗有「和你塞」測試機場交通壓力,以及沙田區「和你SHOP」外,有網友發現呢日下晝喺青衣海濱長廊,舉行「慶祝國慶七十周年嘉年華」,仲有JW以及吳業坤到場表演,即時發起「追星」活動。

有連登巴打開PO號召網友「唔入機場嘅手足可以去追星」,詳細列出22號下午青衣活動資料,坤哥同JW都係表演嘉賓,短短時間已經有五百多個回應,情況就如之前嘅一啲圍堵TVB活動一樣。

活動原於下晝1點30分開始,至到傍晚5點半,不過現場人士就話活動開始後未見兩位歌手現身,而主辦單位回覆傳媒查詢時指,基於保安理由,取消藝人表演環節。JW經理人公司喺下晝2點幾,接受《香港01》訪問時表示:「活動前一兩個鐘收到主辦單位指示,取消藝人演出環節。因為呢個活動好耐之前,已經同民政事務處嗰邊Confirm。不過因為近日嘅事,每日都確定唔到事態發展,基於安全理由,我地都一直有同主辦方緊密聯絡,最後決定都係等主辦單位決定,本身JW同坤哥出場時間都係活動較後時段,所以JW都未到現場嘅。」嚟緊短時間內JW亦無接其他類似嘅國慶活動表演工作。

點擊瀏覽《香港01》更多內容和圖集

你可能感興趣:
【街坊財爺】難忘熒幕初吻獻姜麗文 吳業坤:又熱又硬
【大醬園】龔嘉欣朱晨麗盛傳不和 吳業坤堅稱誤會:睇唔到火藥味