結婚29周年 同戚美珍錫錫放閃!苗僑偉:一定照顧佢一生一世

東方新地 - 娛聞

中港合拍電視劇《護神之保險調查》最近播放,當中最搶眼仲係今年60歲嘅三哥苗僑偉,入行超過三十年嘅三哥由初出道的嫩口,蛻變成現在的成熟男人味,魅力有增無減。

而早前1月5日係戚美珍57歲生日,而今日(9/1)係二人嘅結婚29周年,日前佢哋就開party慶祝生日及結婚周年紀念,三哥仲喺party上同三嫂錫錫,超sweet呀!

撰文:東方新地|圖片:劇照、苗僑偉戚美珍微博苗彤IG、微博

延伸閱讀:

Selina公開變瘦秘訣 3個月體脂30%減到21%!

盤點14個明星感人故事紋身 每個都埋藏深層意思!

苗僑偉戚美珍結婚29周年

1月5日係戚美珍57歲生日,而二人嘅結婚紀念日就喺9/1。因此三哥三嫂尋晚就開party慶祝。超多明星到場慶賀,星光熠熠!三哥仲係party上同三嫂錫錫放閃,結婚29年仲keep主恩愛,真係唔話得!

一定照顧她一生一世

60歲的三哥入多三十多年,至今仲係非常有型,其實從以前開始三哥畀人嘅感覺已經係好瀟灑、成熟穩重,82年苗僑偉同戚美珍合作《飛越十八層》擦出愛火,90年結婚至今已經29載。

苗僑偉

苗僑偉 82年 定情劇《飛越十八層》

82年苗僑偉同戚美珍喺《飛越十八層》擔任男女主角,三哥更一人分飾兩角,劇集大受歡迎,除令兩人走紅外,亦係兩口子定情之作。

苗僑偉

 

87年 唯一古裝情侶檔

87年29歲嘅三哥三嫂繼《飛越十八層》後,喺古裝劇《天龍神劍》再以情侶檔姿態示人,劇中兩人著古裝奉旨談情,份外溫馨甜蜜。

苗僑偉

當年嘅三哥同三嫂!

苗僑偉

雖然三哥間唔中都會傳出緋聞,但戚美珍依然相信三哥,三哥接受本刊訪問時曾經講過:「佢(戚美珍)為我生小朋友,每個人年紀都會大,樣貌會變,冇理由生完小朋友就丟咗佢,做男人要學識承擔,同你生活咁多年,唔可以半途拋棄佢,結婚時已經係一個承諾,我同太太經歷過好多風浪,一定照顧佢一生一世。」深情告白,難怪兩公婆能夠恩愛如此。

苗僑偉
苗僑偉
苗僑偉
苗僑偉

結婚25年 大放閃光彈

三哥在結婚25周年紀念時,在微博大放閃光彈!佢仲寫到:「二十五年不算長,但肯定是不短的時光,謝謝有你的陪伴,謝謝有你們的祝福……感恩!」

苗僑偉
苗僑偉

一仔一女幸福滿滿

三哥同戚美珍育有一仔一女,大女苗彤已經27歲,盡得屋企人真傳身材非常好,早年仲獲邀成為港姐嘅御用攝影師,前途無可限量。但係上年就曾經傳出苗彤同鄭俊弘擦出愛火,搞到三哥派三嫂睇住囡囡,愛女心切,相信所有為人父母嘅都明白嘅。而囝囝苗俊則長駐係加拿大。

苗僑偉

仔女健康最重要

三哥說,一個男人,無論在外面怎樣撒野馳騁,總向往回家的溫暖感覺。「見到一對仔女開開心心、健健康康,好過給我一個男主角獎。」說來老土,但相信是天下父母的心聲。

苗僑偉
三哥愛自拍
同仔女打成一片

 

囝囝高過爸爸啦!

苗僑偉女兒 苗彤

三哥苗僑偉與太太戚美珍兩人都是獨當一面的藝人,女兒苗彤便盡得兩人優良基因,五官精緻之餘,笑容相當迷人,唔少人都覺得佢有潛力加入娛樂圈!早年苗彤在著名學府英屬哥倫比亞大學 (UBC)畢業,三哥夫婦專誠飛到加拿大參加其畢業禮,幸福得羨煞旁人。苗彤讀書叻又靚女,贏晒!

苗僑偉

苗彤不時都會在網上大晒惹火身材!

樣靚身材正的苗彤曾獲無綫邀請參選港姐,但因無意在幕前發展而婉拒其好意。雖然沒有參選港姐,但卻擔任港姐的攝影師。從佢在網上分享的作品可見,她絕對是一個專業的攝影師。

雖然父母都是娛樂圈中名人,不過苗彤就無意投身娛樂圈,她熱愛拍攝,遂追夢成為攝影師。

苗僑偉晒全家福賀仔仔大學畢業

苗僑偉(三哥)與戚美珍結婚29年,育有一名27歲長女苗彤及25歲幼子苗俊。光陰似箭,昔日的兒子已經長大成人,並且大學畢業了。兩姊弟均在加拿大留學,之前三哥連同三嫂便飛往加拿大出席仔仔大學畢業典禮,並拍下溫馨的全家幅。

兒子苗俊穿上畢業袍,姊姊苗彤(右二)也有出席
三哥三嫂「嘟嘴」裝作親吻兒子


養大兒子到二十五歲,看到他大學畢業三哥都在微博寫道:「畢業了!開心!並不是什麼學業有成,而是你的堅持和努力被肯定。是你學懂了怎樣面對困難和挫折,學懂怎樣面對孤獨和無助。你大個仔了,恭喜Murph! ​​​​」

Lucky to have my parents come around for my birthday again! #Family #big21

A post shared by Murphy Miu (@murphymiu) on Nov 18, 2014 at 12:54am PST



苗俊遺傳了三哥的高大身型,兩年前宣布與富二代女友Jasmine拍拖,不時在Instagram發放閃光彈,看來三哥三嫂已經接納了這位女友。





《守護神之保險調查》苗僑偉 飾演飾保險調查員

邵氏兄弟首次跟內地愛奇藝合拍電視劇《守護神之保險調查》,雖則此劇宣傳麻麻,但是也有幾個必看賣點!今次劇集由三哥苗僑偉黃宗澤劉心悠領銜主演,久未露面的徐子珊邵美琪、鮑起靜、艾威等人亦會參演,增加劇集「卡士」。對於一眾好戲之人有份演出,相信令劇集質素有保證。

黃宗澤與苗僑偉多次合作,今次卻調換崗位,他扮演苗僑偉的上司,加上太子女劉心悠組成保險公司的鐵三角調查員,

幕前卡士強勁,幕後班底亦星光熠熠,由鍾澍佳監製,鬼才陳十三擔任編劇,在香港、深圳、吉隆坡及遠赴布拉格四地取景,製作不惜工本。

劇中講述幾位主角藉某事件去調查受保人有否騙保險金,集合查案、懸疑及動作於一身!


以往合作多次的「最佳拍檔」苗僑偉和黃宗澤,今次則互換崗位,黃宗澤扮演苗僑偉的上司,帶領住劉心悠合組鐵三角調查員!

Bosco與劉心悠飾演歡喜冤家,但二人由「兄弟」因了解變成情人,浪漫到爆,更有床戲,他還自爆是演出以來最激的一次。

今次劇中打的場面由三哥包辦動作、爆破及飛車動作場面,而三哥之前接受訪問時投訴所有打殺危險場面通通有份,話雖如此,60歲的他依然身手敏捷,外型也當然唔似「登六」!

套劇以保險業人士著手,令人知道更多保險調查員背後的調查工作及辛酸!

苗僑偉 有型御用警察

苗僑偉外表夠哂型就唔多講,身形高大之餘,行出嚟個感覺亦只啱做大佬或者警隊較高級職位嘅角色。而他以往也演過不少紀律部隊的人員,堪稱係「御用警察」!

電視劇《使徒行者》劇照。

 

三哥眼神幾煞食!
電視劇《刑警》劇照。

 

電視劇《雷霆掃毒》。

 

82年 激罕3P半裸

苗僑偉、黃日華半裸露點同師妹戚美珍大玩3P型格合照,當時已同戚美珍拍拖,相中黃日華仲keep住《過客》髮型,當年男星未流行爆肌,難得一見二人騷胸肌,勝在罕見。

苗僑偉

83年 組五虎

83年被無綫力捧,與黃日華、劉德華、梁朝偉、湯鎮業組成無綫五虎。在80年代締造了不少黃金時代的代表劇,主演了很多經典影視劇。五虎中,與華仔最熟,經常相約打保齡,偉仔就很少聯絡了。

苗僑偉

83年 電視代表作《射鵰英雄傳》

83年苗僑偉喺《射鵰英雄傳》演繹出金庸筆下楊康嘅深情、無奈、掙扎同陰險狡詐,加上古裝扮相英氣軒昂兼玉樹臨風,令三哥爆紅,成為佢嘅電視代表作,至今仍然是經典!

苗僑偉

熒幕情侶翁美玲

苗僑偉憑楊康一角人氣急升後,無綫趁勢將佢同翁美玲打造成金童玉女,之後合作咗《決戰玄武門》、《天師執位》、《生鏽橋王》、《楚留香之蝙蝠傳奇》四部劇集,成當時觀眾最喜愛和最受歡迎熒幕情侶。

苗僑偉

 

苗僑偉

83年 變單眼皮靚仔

苗僑偉一向都係雙眼皮,但呢張大頭相25歲嘅三哥望落好似單眼皮,只是角度問題,冇損三哥俊朗外表。

苗僑偉

83年 Rock友look

苗僑偉自出道以嚟都畀人穩重踏實感覺,但83年替劇集《播音人》特刊影宣傳相時,黑超黑皮背心黑皮褲上陣,全身皮衫皮褲、粗皮手帶加埋副黑超,又rock又破格。

苗僑偉

84年 斯文文青look

苗僑偉出道初期除拍劇外甚少戴眼鏡,呢次戴咗副方圓啡框眼鏡襯番佢個面形,立即變文青,咁識揀眼鏡難怪三年後創立藝視眼鏡集團。

苗僑偉

84年 激凸三角泳褲

三哥的三角泳褲look很少見吧,廿歲出頭,fit到漏。三哥呢個無邪笑容,簡直係超級無敵冧死女,絕對係俘虜萬千少女嘅心。

苗僑偉

苗僑偉新加入IG大家庭

最近唔少前輩級藝人潮玩IG,而日前亦多咗一位60歲嘅男藝人開咗個IG戶口,講梗嘅呢位男藝人就係男神三哥苗僑偉!

苗僑偉

三哥加入IG大家庭,第一張就post出同一對仔女,27歲長女苗彤及25歲幼子苗俊嘅合照,雖然暫時就未見有三嫂戚美珍嘅相,但相信大量嘅三嫂都唔會介意俾仔女搶先出現喺三哥IG度嘅!



比汪阿姐更識潮玩

三哥個IG開咗三日就已經有接近一千粉絲追隨,而三哥暫時只關注咗18人,而三哥亦用IG宣傳有佢份主演嘅新戲《守護神》,而且亦都識得Tag一對仔女嘅帳戶,睇嚟三哥都好識玩喎!


靠吳綺莉接濟 卓林煙駁煙遊街

插菊梓喬冇人撐!吳若希發難扭跳槽

傳應采兒陀第二胎!陳小春全家福相留言藏暗示?

貼廿年前孕照 慶囝囝生日 曾華倩:上天賜我最寶貴禮物⋯

【守護神之保險調查】入行逾三十年!60歲苗僑偉 嫩男變型佬

剝牙唔怕痛!陸永5歲細女最怕居然係呢樣嘢…

延伸閱讀:

蘇民峰2019豬年生肖運程(蛇、馬、羊篇)