結婚十周年 蔡少芬 張晉穿十年前禮服影全家福

蔡少芬(Ada)同老公張晉唔經唔覺結婚十年,1 月12日係佢哋結婚十周年紀念,為咗紀念呢個大日子,佢哋一齊著番當年結婚嘅婚紗及禮服影相,加埋兩個可愛嘅囡囡,幸福又溫馨!

撰文:東方新地

圖片:蔡少芬微博、新傳媒圖片庫

延伸閱讀:

阿仔讀書有壓力?黃浩然:會去公園放電減壓

契兄妹情升溫 唐詩詠 恨拖馬明攞獎

蔡少芬 張晉 結婚十周年

08年,Ada同張晉結束愛情長跑,更生下兩位女兒張楚兒﹑張信兒,1月12日係佢哋結婚十周年,佢哋為咗紀念呢個大日子,佢哋著番當年嘅婚紗同禮服同兩個囡囡影全家福,二人更留言道:「十年前的今天,我娶了你,這十年裡有風、有雨、有彩虹,還有俩搗亂的。十年前的婚纱和禮服,今天還能穿,讓我們保持身材,繼續風雨同路,看看下一個十年還能不能穿。」

兩個分別六歲同四歲嘅囡囡楚兒同信兒,就係好似花女咁祝賀爸爸媽咪結婚十周年。

十年後,著番十年前嘅婚紗同禮服,難得嘅係佢哋嘅身形依然keep得好好!而Ada更加好似食咗防腐劑咁,冇乜走樣,真係注顏有術!Ada更公開答謝老公嘅愛:「感謝天父,時間過得太急速了!十年有喜有憂有趣有怒一切一切都是滿滿的愛!如沒有主的恩典,這個家不可能如此繽紛!往後每一日,我們也會繼續堅愛,也謝謝極品張晉max ,愛你啊!」so sweet!

佢又喺其中一張相寫住:「十年樹木,百年樹人,忍耐到底,必然相愛。」
呢個幸福家庭先有大女楚兒。
跟住再添成員信兒,一家四口幸福家庭。

 

睇番十年前,Ada嫁俾張晉,當時男方仲係藉藉冇名嘅內地武打明星。而當年任婚禮姊妹團,有洪欣、朱茵、陳法蓉!婚禮好簡單,冇豪華嘅排場,但幸福滿載!

Ada仲晒咗幾張婚紗獨照,你哋話佢係咪keep得好好?

 

 

 

延伸閱讀:

男友愈醜女友易變肥!美國研究指情侶樣貌會影響對方身材