結婚一個月!許芷熒極速宣布有喜

BB同大家揮手。

2011年港姐季軍許芷熒(Whitney、前名:許亦妮)上月下嫁圈外做生意男友Alexander Fung,當時佢哋希望可以湊夠兩對「好」字,今日Whitney趁住結婚一個月紀念日,喺社交網宣布有喜,佢話籌備婚禮發現有咗,當時曾諗過將婚禮延遲,但最後因為快啲結婚,所以如期舉行:「很多準備結婚的新娘子都要減肥節食,但當我知道有了小寶貝的時候,甚麼都以BB為先,所以完完全全不用節食,在婚禮之前喜歡吃甚麼便吃甚麼,真是非常開心和幸福!」

佢又指懷孕期間病咗好多次,仲話開咗個youtube channel,同大家交流,叫大家多多支持:「懷孕期間已經生病過好多次,抵抗力真的會比較低,我也在懷孕期間感受到很多做了媽媽才會明白的感受,我這個新手媽咪,真的要向各位媽媽多多請教!」另外,佢又率先將BB超聲波片上載到個人youtube channel,同大家分享喜悅。