細數上半年娛樂圈大事回顧

2019年話咁快已經過咗一半,頭半年娛樂圈已經發生咗唔少轟動全港嘅新聞,今日就同大家重溫一下啦!

「安心偷食」事件

許志安同黃心穎於四月被爆出一段長達16分鐘車內纏綿嘅片段,片段流出後立刻引起全城哄動。事後佢哋嘅另一伴馬國明及鄭秀文分別現身及發文回應事件,但醜聞爆出後,二人形象跌落谷底,事業一鋪清袋。

「安心偷食」事件

姚子羚被爆戀上好姊妹老公

喺五月,姚子羚與已婚花弗渣男Raymond嘅床上合照流出,隨即捲入桃色風波。有傳姚子羚同正室蔡宛珊(Sarika)原來係朋友,而佢又同Raymond拍拖八個月,點知男方仲有個小三,而姚子羚同小三又係認識嘅,個關係好亂啊!

姚子羚被爆戀上好姊妹老公

古天樂大熱奪叱咤「我最喜愛男歌手」

古天樂回歸樂壇,憑住與謝安琪合唱歌曲《(一個男人)一個女人和浴室》,而被網民投票成為《2018年度叱咤樂壇流行榜頒獎典禮》「我最喜愛的男歌手」,消息一出震撼樂壇。古仔講完得獎感受後,佢仲拉埋幾位歌手同佢一齊清唱《男朋友》,一圓樂迷嘅心願。佢仲係香港史上第一位歌影視大滿貫嘅藝人,真係好犀利呀!

古天樂大熱奪叱咤「我最喜愛男歌手」

爺孫戀玩完 何艷娟與66歲富商離婚

現年27歲嘅2014年港姐季軍何艷娟(Katherine)於上年宣布同大自己40歲嘅澳博營運總裁吳志誠結婚,不過可惜呢段婚姻只係維持咗短短8個月就宣佈離婚。離婚後何艷娟感情生活繼續精彩,即傳出搭上身家過百億嘅陳樹渠長子現年55歲嘅陳燿璋。

爺孫戀玩完 何艷娟與66歲富商離婚

《復仇者聯盟4》創香港史上最高票房紀錄

超級英雄電影《復仇者聯盟4:終局之戰》熱爆全球,喺香港只係用咗短短13日,票房收逾1.784億港元,超越咗《阿凡達》(Avatar)保持咗10年嘅票房紀錄,成為香港史上最高票房紀錄。

《復仇者聯盟4》創香港史上最高票房紀錄

G.E.M與經理人反目

鄧紫棋(G.E.M)自從北上發展後,星路愈來愈順,由內地零知名度嘅歌手晉身成一線。但佢喺三月突然宣佈同合作咗11年嘅經理人公司解約,但要·解約都唔係咁簡單,由於鄧紫棋(G.E.M.)呢個名已被經理人公司註冊成為商標,如果真係解約成功G.E.M好大可能要改名。

G.E.M與經理人反目

黃秋生曾美慧孜奪金像影帝影后

第38屆香港電影金像獎影帝由黃秋生以《淪落人》三度奪得影帝,而影后就由大熱內地演員曾美慧孜以《三夫》首度奪得。

黃秋生曾美慧孜奪金像影帝影后

謝婷婷宣布秘密產女

喺六月,謝賢同狄波拉嘅囡囡謝婷婷突然喺IG上宣布囡囡出世100日,咁即係婷婷於今年2月已經秘密產女。由於向來感情話調嘅婷婷冇對外宣佈過男友身份,而謝賢又話唔知BB生父係中國人定係外國人,搞到大家都好好奇。

謝婷婷宣布秘密產女

李兆基肝癌擴散病逝

「影圈四大惡人」之一嘅李兆基於6月2日因肝癌擴散至肺部病逝。李兆基經常喺黑社會電影中扮演惡人,幾年前佢先後兩次中風,後來更患上肝癌、後來更因肝癌擴散至肺部,終年69歲。

李兆基肝癌擴散病逝

何家喜事浪接浪

何家喜事一單接一單,首先係三房有「最索千金」之稱嘅何超蓮被內地男神竇驍成功「私有化」,之後係兒子何猷啟突然爆出已婚,更為人父親,個女仲已經11個月大。四房一樣唔執輸,何超盈同未婚夫訂婚及佗B,何猷君向30歲內地名模奚夢瑤求婚,更有傳已懷有BB,真是可喜可賀。

何家喜事浪接浪
何家喜事浪接浪