「索腿天后」陳敏之做精明師奶 慳家貼地買平價睡衫

陳敏之

擁有43吋長腿嘅41歲「索腿天后」陳敏之,早前俾傳媒影到佢好慳家貼地咁去銅鑼灣睇平衫。當日敏之身穿運動衫,帶住CAP帽去平民家品店及路邊攤慳家濕平,期間佢仲同其他主婦一齊迫,最後買咗一件平價嘅黃色公仔睡衣,果然夠貼地呀!

陳敏之因為爸爸好早過身,媽媽又失業,所以年紀輕輕就加入娛樂圈。當年佢做過小室哲哉徒弟,又做過模特兒,之後再轉戰公仔箱,最令觀眾印象深刻嘅角色一定係《怒火街頭》嘅「索腿天后」何利貞。敏之於14年下嫁圈外男友,二人亦生咗個可愛仔仔雷冬至,但敏之都冇放棄工作,仲愈戰愈勇。敏之努力工作多年,終於喺03年以330萬買入將軍澳一個單位,但07年出售賺咗50萬,直到而家敏之都冇再購入物業。

陳敏之
陳敏之
陳敏之
陳敏之
陳敏之