純素10日挑戰結束!方力申自揭有咩變化

有咩唔同呢?

早前踏入40歲嘅方力申,話要試啲新挑戰,試吓純素飲食10日,唔經唔覺10日已經結束!佢話唔辛苦,出街食飯大家都好就佢:「有人話精神、皮膚、游水會好咗,我暫時唔覺得好大變化!」

純素飲食10日唔經唔覺已經結束!

不過佢話睇咗一套素食記錄片《Game Changers》,當中有項實驗話男人先會Feel到個唔同,佢就話:「咁我又Feel到過喎,唔知係咪因為血冇咁混濁、清晰咗!」佢又直言會繼續試,想試清楚有咩分別,同埋覺得唔難因為多代替品!

向你學習呀!
方力申分享有咩變化,仲話會繼續純素!

而體重佢就有變化,輕咗2公斤(約4.4磅),但佢話食好多澱粉,不過食少咗早餐,又游好多水,所以未必關純素事咁話!又運動又早起,仲改埋飲食習慣,真係好健康呀!

飲齋啡!