糖妹得寵唔憂做風騷揀新車

東方日報
順風順水的糖妹,於疫市期間仍然劇接劇。

糖妹(黃山怡)自搬入風水屋後果然有運行,在疫市下依然劇接劇,更遇上位機會頂替菊梓喬演王敏奕好友角色,日前風騷睇新車,為長做長有做足準備。

日前糖妹跟糖兄合體出席完電台訪問後,就撇甩糖兄偕助手去到九龍灣名車旗艦店,似有明確目標的她,主力向五座位中型車埋手,不時同助手密密斟,又對住座駕指手畫腳,車行銷售員隨即趨前力Sell,貼心送上車刊。糖妹極為專心「聽書」,還跟隨銷售員走訪多架入門車,正正符合糖妹慳家性格「貨比三車」!

買車慳過搭車

未幾,糖妹坐上駕駛座作實戰體驗,又搞笑向助手揮手「賜座」,前後花了十多分鐘試車,最後她看似鎖定一架價值三十多萬、橙紅色的五人座房車,不停圍住心水車行「注目禮」,之後再依依不捨和助手離去。

步出車行的糖妹仍心思思狂揭車刊,在過馬路見記者上前,即怕醜地用車刊遮面兼大笑:「咁都畀你哋睇到!」問到是否想買車?她繼續笑說:「睇吓囉!唔睇冇動力學車,想今年考到個牌!揸車反而係會慳到啲錢,依家住得遠咗屋企,交通費都喺晒度,同埋最想同屋企人去自駕遊。中型車易啲Handle,原先係想買架平少少,但一睇新車真係好靚,確實係有少少心動!(價錢都靚?)今年要再努力啲做嘢,快啲畀嘢我做!」

雖然疫情「侵襲」娛樂圈,但糖妹表示對她沒太大影響,只是飲食節目要延遲開拍,稍後就會開劇。

有傳她「執二攤」頂替菊梓喬演無綫新劇《香港愛情故事》,糖妹坦承:「一開始都唔知之前係邊個演,(監製)Call我嗰陣仲喺日本做嘢,同監製好熟,佢叫我做咩都OK,除咗脫!(知唔知點解菊梓喬唔拍?)冇問呀,呢啲係人哋公司嘅機密事。」

拍《陀槍》心花放

糖妹續透露正等候拍攝《陀槍師姐2020》(暫名),問到兩劇揸手的她是否得寵?她即耍手擰頭兼連講三次「唔可以咁講」:「TVB畀咗好多機會我,可以做一個咁長嘅飲食節目係好開心。《陀槍》一搵我就已經好興奮,一嚟可以參演呢部經典劇,二嚟可以近距離同陳豪、宣萱對戲,即刻二話不說接咗!」

糖妹花了最多時間在這部車上,看來是情有獨鍾。
沒有車牌的糖妹,走到司機位感受一下內櫳是否舒適。