精選8位已婚靚新聞女主播 邊幾個係豪門新抱?

東方新地 - 娛聞

今個星期初,無綫新聞主播張文采嫁畀細佢兩年、任職消防員嘅盧樂輝,一班前主播做姊妹送佢出嫁,場面溫馨又感人!回想起,原來唔少新聞女主播近年都陸續結婚,而唔少仲嫁得好好添!

撰文:東方新地|圖片:Instagram、微博、新傳媒圖片庫

延伸閱讀:

陳展鵬迎娶單文柔 海上婚禮浪漫動人

直撃女神慳家大法!劉心悠 貼地改衫

精選8位已婚新聞女主播

|張文采

今年33歲有「新聞之花」之稱嘅張文采3年前狠撇偷食男友羅鈞滿,當時仲自嘲蠢兼浪費4年青春!不過,今個星期一佢就已經同細佢兩年任職消防員嘅老公盧樂輝(Benedict)結婚!

(左起)馬秀荃、李朗怡、張文采,另(右起)姚雋彥與盤翠瑩

見好友升呢做人妻,姚雋彥送上祝福喺社交平台留言話:「聽過你太多心事 但已經不再重要,眼見你要做新娘,做蜜友的真想撒嬌。」

雖然張文采就未有上載新相於社交網,但就已經急不待換咗頭像,見佢低頭情深款走咁望住個花球,就知道佢幾咁幸福啦!

升呢做人妻嘅靚靚主播張文采終於搵到Mr. Right,唔少人都為佢感到非常高興呀!

張文采見到老公笑得幾開心!


|羅鈺文

羅鈺文2012年加入無綫新聞部,擔任無綫首席主播。今年已經年過30,唔知大家有冇被擁有童顏嘅羅鈺文騙到呢?不過原來佢亦已於2016年成為人妻!

Merry Christmas! 🌲🌟☄⛄ #平安夜

A post shared by 羅鈺文Yuki (@yukilaws) on Dec 24, 2017 at 7:04am PST


羅鈺文一向愛得低調,雖然已經結咗婚,但平日都比較少甫出同老公嘅合照。



就算羅鈺文企喺港姐旁邊,都絕不遜色!



今年2月,羅鈺文離開咗效力五年半嘅無綫新聞部,唔少網民都話好唔捨得!



|陳珍妮

陳珍妮喺TVB時間唔係好長,離開無綫後曾出書寫TVB血淚史而聞名。上年同行男友向佢求婚,今年年頭就已經封盤升呢做人妻!




呢對夫婦平日亦愛放閃,相當恩愛!



|黃婉曼

因一句「跳出香港」生動跳脫嘅主持風格,加上豐滿身材,成功令黃婉曼走紅,更被稱為宅男女神!

2014年,黃婉曼同會計師男友馮柏基拉埋天窗!

當年結婚,黃婉曼更激動到忍唔住落淚!

上年2月宣布造人成功,並於同年7月誕下女兒Kyra,做埋幸福人母!


|曾美華

依家37歲嘅曾美華大學畢業後就加入有線電視,2011年質黎智英次子黎耀恩結婚,成為豪門靚人妻!

12年誕下大仔Jalen,兩年後再誕下細女Ambe,但曾美華生完兩個小朋友後身材一樣咁Fit,女神之名果然名不虛傳!

 

一家人不時就暢遊世界各地,認真羨慕死人!

蔡雪瑩

有「至索主播」之稱蔡雪瑩一向很有觀眾緣,年幼時家境清貧,喺公屋長大,2016年與上市公司太子爺朱威霖(William)成婚奉子成婚,絕對是非常勵志嘅故事!

由於William父親係中國全國政協成員,所以雪瑩BB大婚當日有不少高官和藝人到賀!

雪瑩BB依家分別育有2歲嘅囝囝Wesley同今年6月先出世嘅B女Sheryl,主力湊B嘅佢生活簡直無憂!



雪瑩BB更不時到外地遊玩,享受人生,完全係個豪門少奶奶!



趙海珠

趙海珠港大畢業後喺無綫擔任女主播,之後成為窩輪天后,2011年更與物流業太子爺男友結婚,誕下一子一女,家庭生活幸福美滿!


趙海珠於2011年在峇里島結婚,婚後間唔時都會見到佢出現喺電視上。




|駱文捷

相信大家最記得駱文捷嘅係有次佢報新聞時將墨西哥城市讀成疑似粗口,而一度喺網上爆紅!


13年加入無綫做主播,其後上年離職後就同督察男友結婚!





雖然離開咗無綫,但駱文捷不時都會同班舊戰友見面!最近亦有出席張文采婚禮,可見人緣極佳!



延伸閱讀:

應采兒自爆險被潛規則 陳小春嬲爆護妻:「你仲係人?!」