粉絲都認錯 李彩華陳敏之拍片自嘲「撞樣」

最難得係佢哋自己都唔介意!

藝人陳敏之和李彩華身形同樣高挑,仲不時畀人話「撞樣」,難怪佢哋經常「孖妹行咇」咁亮相,真係老友鬼鬼。陳敏之喺社交網上載咗一條自娛片,見到有位粉絲叫佢做李彩華,仲問佢拎簽名,陳敏之就話自己唔係李彩華,「李彩華喺隔籬喎!」

一睇就知佢係陳敏之啦!
呢個粉絲好過分喎~
佢係李彩華。
咁都認錯?

位粉絲就轉移目標,望住隔籬個「真.李彩華」話:「陳敏之可唔可以幫我簽個名?」搞到李彩華勁無奈。終於兩個靚女一齊合體,大家又睇吓佢哋似唔似樣丫!

不過佢兩個又真係幾似樣嘅!
望多眼,仲似呀!