籃球牽紅線!羅天宇被爆暗撻戴祖儀

羅天宇同戴祖儀唔只英文名一樣,興趣仲相同添!

藝人羅天宇(Joey)自兩年前與湯洛雯甩拖後,一直宣稱單身,之前更表示今年會過Lonely Christmas,但日前就被拍到與於劇集《多功能老婆》中飾演周柏豪女友的靚女「呂老師」戴祖儀(Joey)於淺水灣吃飯,更被指二人之後齊齊玩狗兼行沙灘,浪漫非常,疑似撻着!

約出嚟傾唱歌方面合作

二人同樣叫Joey,男的靚仔、之前的女友苟芸慧、湯洛雯都是靚女,獨具慧眼;而女的則只有24歲,樣子甜美兼擁有一雙長腿,甚有觀眾緣。記者向羅天宇直問二人是否拍拖時,他謂:「食個飯啫!(追緊?有意思?)唔係,可能之後大家會有啲唱歌方面嘅合作,咪約出嚟傾吓囉!」問到二人怎樣認識時,他表示與戴祖儀有一齊打籃球,所以認識。食吓飯、打吓波、唱吓歌,後生仔女大家有共同嗜好,係容易搞得埋嘅!