簡淑兒六嚿腹肌終於見光 張彥博唔再做白切雞

宅男女神簡淑兒向來走卡娃兒鄰家女feel,日前突然po出練有所成嘅六嚿腹肌相,不禁令一眾網民大為驚訝,唔通佢想開拓戲路,挑戰做打女?另外男子組都唔輸蝕,張彥博終於摵甩肥仔稱號,成功變成爆肌男!

簡淑兒唔做嬌滴女鋼條身形做打女

簡淑兒用一年前作對比,原來佢一年前開始做gym,半年前立志操出腹肌,在教練特訓之下,加上佢嘅努力、飲食節制,令佢終於如願,嬌滴滴嘅佢突然變成鋼條身形,可以考慮轉戲路做打女喎 ﹗

簡淑兒去年四月肚仔仲有啲肉,經過一年訓練,半年加操之後,已經變成運動鋼條型,變化好大,佢話食咗半年都係蒸嘅食物,一星期操足六日,真係付出好大努力至得㗎!
以前同身材激凸嘅陳婉衡拍《3日兩 夜》,著乜都被比下去,依家可以同對方鬥結實腹肌 ﹗

張彥博由白切雞變成爆肌男操肌操上癮

男子組方面平時斯斯文文嘅張彥博,向來身上肌肉欠奉,加上眼大皮膚白滑,反串女仔似模似樣㖭,早前為咗開首個音樂會,開始去做gym,終於甩咗肥仔博稱號,騷就開完,肌未操夠,原來張彥博已經操上癮,近來更操出六嚿腹肌,忍唔住影相貼出由一嚿腩變成六嚿腹肌嘅對比,佢話試過操到攤喺地上郁唔到,一身肌肉同簡淑兒一樣得來不易呀 ﹗

張彥博笑稱自己由白切雞變成爆肌男,佢話其實唔難,不過又自爆曾經喺健身室操到郁唔到,今次嘅努力真係冇白費。
周不時又騷下麒麟臂㖭!

延伸閱讀:

《東張西望》咪神李旻芳性感出嫁 同老公黃耀英即場紋婚戒

李嘉欣收胸演密實楊貴妃同吳鎮宇對戲 千萬片酬打動大美人