【坐定定等睇直播】政見誓不兩立 陳百祥杜汶澤獲邀上節目討論香港局勢

陳百祥及杜汶澤上港台直播節目討論而家香港局勢

反修訂《逃犯條例》運動持續5個月,引起嚴重警民衝突及社會撕裂情況嚴重。香港電台「視點31」的直播節目《談局勢論民情》將邀請多次為香港人發聲嘅杜汶澤,同埋曾多次發表撐警言論嘅陳百祥,喺今日下晝4點半上節目討論香港局勢。

噚日(4日)消息一出,引起唔少網民熱烈討論。大家都好期待演藝圈中著名嘅黃絲藍絲代表,點樣一齊上節目討論時事,兩位口才了得嘅男士舌劍唇槍。

喺噚晚,杜文澤亦有喺社交網文留言話:「首先,當收到利君雅嘅來電,我承認我係有啲緊張,因為佢始終係我偶像。之後佢同我講想搵我做「視點31」,話討論嘅對象係幻想自己如果係警務署長就一早開真槍嘅陳百祥,問我得唔得,我就話no 喇!自己脾氣唔係幾好,怕影響到香港電台一貫健康、持平同中立嘅影像。不過,雖然聽日唔係利君雅做主持,但係既然佢打得比我,我一定會支持佢。所以我應𠄘咗,做呢個節目。更加要多謝陳生應約。至於我睇到港台fb有好多留言,希望我會爆粗甚至動武,我應承咗利小姐,會以禮相待,唔會令佢孭鑊,大家可以死咗條心。Oh by the way , 如果聽日警察4點想再開記招,我睇不必嘞,因為,根本唔會有人睇。聽日四點半香港電台電視部吖嘛,收到,我應該唔會去錯咗隔離商台嘅。」

杜文澤 Facebook