突傳中風入院 秦沛連做16下掌上壓:我好健康!

東方日報
秦沛老當益壯,一口氣做掌上壓,面不改容!

現年75歲的資深藝人秦沛昨日被傳中風入院,消息一出,其家人即否認其事,秦沛亦親自回覆指自己身體健康,認為有人無聊亂放假消息!兒子姜文杰更為他拍下運動短片,相當健壯!

1986年憑電影《癲佬正傳》奪得金像獎、金馬獎「最佳男配角」的秦沛,昨日突然被傳中風入院危殆的消息,引起極大回響,秦沛子女姜文杰及姜麗文、以及其弟姜大偉即被追問有關情況,眾人即時作出否認,當事人秦沛亦透過WhatsApp親自回覆闢謠:「多謝關心!我好健康!應該有人太無聊!」問到可否通電話?他以笑臉Emoji回覆:「我依家做緊運動。」

泰國拍戲返港

為了令大家安心,有片有真相,姜文杰特別拍下爸爸做運動的短片,見他一口氣連做16下掌上壓,體格超好,不少後生仔都望塵莫及,姜文杰還搞笑回覆:「以片為證,Paul哥(秦沛)Fit到不得了,如果中風應該唔會咁有型啩!」之後,他於社交網留言指爸爸身心一直保持最強狀態,更指當時其實做了廿幾下掌上壓!

至於姜麗文昨日現身將軍澳電視城,同聲否認父親健康出問題:「點解會有啲咁嘅傳聞?佢好健康、好精神,尋日先喺泰國拍戲返嚟,佢冇事,好開心,話晒佢都食咗咁多年健康產品,健康好好。(爹哋聽到呢個消息有冇唔開心?)佢個人好潮,唔會嬲呢啲嘢,都多謝大家關心。」

姜麗文現身即被追問父親狀況。