秘嗒「10億咪神」黃文意 唐文龍:佢英文好叻!

48歲唐文龍闊別無綫11年,去年重返娘家拍劇,挑戰《溏心風暴3》渣男角色,為報仇不擇手段,與陳敏之演出多場不倫激情戲,大晒fit爆肌肉,人氣再度急升。曾自認單身嘅佢,原來與25歲「10億咪神」黃文意(Mandy)暗撻半年,並曾喺網上傳情洩「蜜」,不過唐文龍就拒認追求Mandy,只話同對方正「從相處開始發展」,但就勁讚Mandy係好女仔,好有智慧,仲話:「最重要英文好叻」!

撰文:東方新地
圖片:網上圖片

延伸閱讀:

「10億咪神」黃文意性感圖輯

袁文傑深情唱〈追〉再送花 女友張潔蓮感動落淚

唐文龍:情人節未有人約

唐文龍同Mandy除咗被影到去尖沙咀撐枱腳,去年11月唐文龍生日,兩人到大嶼山慶生,Mandy曾錯手po出與唐文龍sweet合照,隨後立即刪除。日前Mandy換新髮型,唐文龍更留言大讚女友:「女神焗油都幾好睇!俾心機 ~有男版焗油嗎?」而Mandy則冧爆回應:「有㗎!有『CEO焗油』㗎!」不過本刊記者問到唐文龍兩人係咪拍緊拖?唐文龍就話佢哋依家只係朋友,仲話自己情人節未有人約!

記:記者 唐:唐文龍

記:畀人影到你同黃文意拍拖喎!
唐:啲相係幾個月前影啦。
記:係咪同黃文意拍緊拖?
唐:我哋係朋友。
記:覺得黃文意點?
唐:佢係好女仔,好有智慧,最重要英文好叻。
記:大家年紀相差23年,溝通有冇問題?
唐:溝通得好好,好啱傾!
記:女方話你主動抄牌追佢?
唐:依家都冇話追求,依家拍拖係相處吓發展吓,從相處開始發展。
記:聽日情人節點慶祝?
唐:情人節都係一個人過,都未有人約。
記:等黃文意約你?
唐:唔會啦,呢個時候,唔講咁多啦,多謝!

唐文龍有傳冧掂相差23歲嘅「10億咪神」,低調玩地下父女情,
黃文意轉新髮型,唐文龍大讚女友係「女神」。
唐文龍


唐文龍

曾在紐約讀設計

唐文龍雖已48歲,但仍然是那麼帥氣硬朗,全身爆炸性的肌肉,俘擄萬千粉絲。這位帥氣十足的「大隻佬」,經常宣傳環保信息,可能有人說這是打造自己的形象,可是至少他肯做肯支持環保,已經比很多人好的多。而且Michael除了有風度翩翩的形象,非常吸引之外。原來他的學歷來頭也不少,小學時就讀喇沙小學,小學5年級時移居美國,在紐約著名的時尚學府Fashion Institute of Technology (FIT)修讀女裝設計學士學位。

唐文龍在《溏心風暴3》裏面出演一位大學講師,雖然與學生發生不倫關係,但是不得不承認風度翩翩的形象真的非常吸引。
唐文龍小學時就讀喇沙小學,小學5年級時移居美國,在紐約著名的時尚學府修讀女裝設計學士學位。