秋生又攞獎:差個奧斯卡!

東方日報
咁熟面口?又係秋生同曾美慧孜拍住攞獎。

藝人黃秋生與曾美慧孜前晚在香港電影編劇家協會2019年春茗晚宴中,齊齊奪得「最佳角色演繹獎」,導演王家衛則獲頒「榮譽大獎」。秋生受訪時表示最近在日本拍廣告:「都仆到返來攞!(攞獎攞到手軟?)未!仲可以繼續。(攞埋金像獎?)有又唔拘,冇完美嘅,人生處處留遺憾,差個奧斯卡囉!」坦言最強對手是周潤發:「發哥喺度邊個敢攞!」此外,秋生昨日再有好消息,榮獲《第21屆烏甸尼遠東電影節》傑出成就金桑獎殊榮。

而曾美慧孜被問到可有信心在金像獎再下一城,她說:「我會為自己打氣,好似去參加Party一樣。」至於王家衛曾被指拍戲時冇劇本,他趁領獎時平反,帶同《重慶森林》的劇本作證:「我真係有寫!多謝協會撐我,還我清白。」

王家衛帶埋劇本作證。