禍不單行!前年撞車 羅孝勇手指生軟骨瘤

禍不單行!前年撞車 羅孝勇手指生軟骨瘤

歌手羅孝勇(Sheldon)喺社交網上載手指縫針片段,原來佢早前手指生咗軟骨瘤,並於一星期前做咗個手術。佢以英文留言交代病情:「手術後一周。當手指中有內生軟骨瘤(骨腫瘤),就會發生呢種情況。佢會令你嘅骨骼變得脆弱,所以任何撞擊都可能導致骨折。我預計唔到,但係已經將佢切除並用骨水泥固定,並且喺其中放咗一支金屬棒,直到骨頭愈合為止,但係我有信心隻手指會比以前更得強壯!」好多網民都紛紛留言送上慰問,希望佢早日康復!

喺2017年時,Sheldon喺旺角曾被一架私家車撞傷入院,條腰椎骨位置骨折,不過休息過後已經康復,當時佢都自言大命好好彩,要還神咁話!