【神還原】戴耀明扮《一拳超人》埼玉 網民:100%複製

戴耀明

藝人同卡通人物撞樣一向唔係新鮮事,好似有鄧梓峰同巴斯光年、元華同吉他他老伯及林盛斌同minion嘅Bob等等。不過「綠葉王」戴耀明天生一副卡通樣,佢個樣可以同N個卡通人物撞樣,例如芝麻街嘅Bert、小丸子爺爺、薯蛋頭及一拳超人等等,真係非常有趣呀!

喺前年,戴耀明已經獲邀扮演過《一拳超人》嘅主角埼玉。近日,佢就為手機遊戲商再次扮演埼玉,不過今次就剃去所有頭髮及穿上埼玉嘅經典服飾,加上表情及動作,完完全全神還原角色。戴耀明喺社交網站上載相片後,唔少網民紛紛大讚佢打扮得好似,留言話:「簡直係全球第一最似」、「第一眼以為係figure」、「唔好講笑 又真係幾似wo」、「唔係似,會唔會係你根本係?」及「睇到都笑咗…… 100%複製」等等。

如果開拍港版《一拳超人》嘅話,相信戴耀明絕對係首選!

戴耀明
戴耀明
戴耀明
戴耀明
戴耀明