神之馬壯黎諾懿 《BB來了》飾新手爸爸夠傳神

東方新地 - 娛聞

無綫新劇《BB來了》勝在情節夠貼地,尤其媽媽們睇到勁有共鳴!除咗有女神李佳芯(Ali)擔正做女主角,仲有神之馬壯黎諾懿飾演新手爸爸,令大家都引頸以待,想睇吓佢地會擦出咩火花啊!其實唔單止喺劇中飾演爸爸,黎諾懿喺現實都早已升格做咗人父喇,仔仔小春雞仲不知幾得意添!

撰文:東方新地|圖片:TVB、網絡截圖、新傳媒圖片庫、黎諾懿IG

延伸閱讀:

宮女輪入豪門 直擊何艷娟甜蜜爺孫戀

120萬波子代步 黃心穎 年花逾千萬

BB來了|李佳芯演女強人

《BB來了》中李佳芯(Ali)飾演一位名牌買手,平日食好著好兼經常出入高級場所,加上備受公司重用,故準備到巴黎受訓一年後,就可以平步青雲晉身管理層。

李佳芯

但點都諗唔到,當事業正值高峰期卻意外懷孕,並因為一個小生命的來臨,而需放棄一直所追求的一切,Ali在面對生理同心理極大轉變上,完美演繹出女強人忽然做媽媽忐忑不安心情!

黎諾懿

|黎諾懿演新手爸爸

而神之馬壯黎諾懿就飾演Ali劇中嘅老公葉致廷(Elvis),係一名35歲嘅高級餐廳與酒吧經理,但因為老婆突然懷孕,睇怕都要遠離夜夜笙歌嘅品味人生喇~

劇中嘅囡囡都好趣緻喎!

劇中黎諾懿嘅角色同台詞都幾生鬼抵死,有啲對白其實都令小編諗起《愛 回家》入面好耐冇見嘅神之馬壯⋯⋯

《BB來了》入面,黎諾懿聽到老婆要加入媽媽谷,可能同現實中唔少男士的反應一樣,就係一臉嫌棄咁拒絕,夠哂傳神,唔少網民都笑說老公覺得呢啲Group好似邪教一樣!

BB來了

公屋出身 冇父幹

不過,神之子一開始都只係個凡人嚟。人地話成功需要父幹,但就算冇父幹,有後天努力一樣可以打出個名堂。喺公屋出身嘅黎諾懿,細個時爸爸因病離世,媽媽獨力養大佢哋兄弟三人。

黎諾懿

因12年嘅處境劇《愛·回家》中擔正男主角之一,飾演馬壯一角大獲好評。自此,一講「神之馬壯」,就係人都知係邊個。

講起馬壯,點少得佢同尹德如條感情線。

2014年,佢與家族資產近5億嘅李潔瑩結婚,3年後囝囝出世,而家相信黎諾懿都係有仔萬事足,為做個好爸爸同好老公而努力不懈!


黎諾懿一啲都唔吝嗇喺社交平台開心Share囝囝小春雞嘅照片同影片,一睇就覺得佢呢個新手爸爸都做得好開心!


唔少網民都由小春雞出世嗰時開始留意佢,囝囝模樣精靈,又好動,真係好得人鍾意!

不過神之子爸爸鬼馬嘅拍攝技巧同Caption都對小春雞嘅高人氣功不可沒嘅!


雖然黎諾懿為拍劇時間顛倒,但都唔會錯過囝囝每個成長階段,由學爬、餵食mum mum、仲有剪頭髮等,佢都會親自出手,真係阿仔大過天呀﹗

連剪頭髮都親自出手!
廿四孝父親仲陪囝囝爬行,又一齊鬥快!
黎諾懿

唔覺唔覺,小春雞都已經咁大個仔啦!見佢個樣咁趣緻,唔單止黎諾懿會唔記得哂啲辛苦嘢,小編都充滿力量啦!


深知囝囝受廣大網民嘅喜愛,黎諾懿仲用小春雞個趣緻樣嚟宣傳新劇,不得不佩服神之子嘅頭腦啦~


話都冇咁快,黎諾懿都由當年嘅「奧運六星」,變咗做依家嘅人父啦!大家又鍾唔鍾意佢新劇入面嘅表現呢?

【港姐2018】第二輪面試!整容女唔見晒!

8位紅星公開減肚腩餐單

《深宮計》收視高 黃心穎、康華、馬浚偉床照、裸照找數!

延伸閱讀:

似過孖生!盤點10對撞樣明星!你又識幾多對?