祖兒首談分手:太多事處理唔到!

東方日報
容祖兒有備而來,卻選擇封嘴不提分手事。


樂壇天后容祖兒與劉浩龍相戀5年,最終未能修成正果,分手收場!祖兒自爆出分手後昨晚首次出席活動,有備而來的她多次不回應分手一事,但直言:「最近太多事情發生,我都處理唔到!」另邊廂,劉浩龍則約腳踢波發洩。


容祖兒、劉浩龍(師兄)的戀情一直被外界視為「女尊男卑」,不被看好,惟5年來祖兒依然努力經營這段「龍兒戀」,而日前本報收到消息,獨家披露「龍兒戀」正式畫上句號,原因是祖兒需全副心思照顧患病媽咪,未能兼顧兒女私情,她與師兄在取得共識下和平分開。


Status係努力工作


自分手消息爆出後,昨晚祖兒首次出席公開場合,打扮靚靚的她全程笑容滿面、態度從容,明顯有備而來,問到心情是否好好?祖兒說:「幾好,唔錯。(感情事係咪放低咗?)你哋講嘅嘢我唔回應。(傳聞中分咗手?)唔……我唔回應好啲,唔想講咁多,唔想之後有更多新聞,平時私人愛情生活唔習慣拎出嚟同大家講,通常留畀自己處理。」再追問現時Status(感情狀況)是單身還是交往中?她即迴避說:「我依家個Status係努力工作中。(多咗時間工作?)係要多啲時間工作。(但之後都會掛着師兄女友身份?)呢刻都係唔多講,以我經驗,講同唔講大家都會繼續寫,我唔講好啲,多謝大家關心。(係咪想放多啲時間照顧媽媽?)唔回應喇。」


互相關心扶持


祖兒對分手一事,直言沒有特別補充與交代,之後轉話題表示稍後會出兩張唱片,要飛到台灣、內地等。「龍兒戀」雖然已分手,但再見亦是朋友,祖兒還不忘扶持師兄,指他忙於籌備演唱會:「大家互相努力,關心大家,支持大家係最重要。(你哋係咪年頭之後就冇見面?)唔係,太誇張啦。」談及老闆楊受成曾經講過,希望愛錫祖兒的人沒有其他目的,她說:「從來冇人對我有目的,大家都係愛錫我!」問到是否已準備迎接新戀情?祖兒即暗示感情確實起變化,說:「太多事情發生,我都處理唔到,要努力工作先。」


此外,談及有網民指今次「分」訊是為劉浩龍的演唱會宣傳?祖兒即反問:「你哋覺得咁樣係得o架咩?大家都係現代人,呢啲唔係拎出嚟講,總之係互相支持嘅狀態。(拍拖時受好大壓力?)唔回應咁多。」活動後,祖兒換上另一套服裝,笑容滿面地離去,現場有保安與助手開路,祖兒在助手陪同下上了七人車,座駕直駛灣仔英皇駿景酒店。


文:名人組


攝:追蹤組



劉浩龍
祖兒被大批傳媒圍攻追問感情狀況。
劉浩龍在球場上狀態大勇,踢足全場。
祖兒換衫後坐車離去。

 

是日精選

翠如tony相識10年赴日拍廣告-粉絲-幾時再拍旅遊節目
果欄中的江湖大嫂-惡人菊-甄詠珊-唔怕被定型
果欄中的江湖大嫂-陳煒最索-馮盈盈最靚-5個女角色逐個睇-究竟邊個最正
小方獲媽咪搭路追靚女-楊怡求秘方生b無壓力
林芊妤風騷自爆或閃婚
師兄踢波發洩封嘴避談-分-訊
劉綽琪老公不敵癌魔辭世
張敬軒恨拍拖-愛無分性別
吳啟華改口風buy萬子認抵打
黃翠如自爆被洪永城鬧喊
祖兒首談分手-太多事處理唔到