祖兒生日轉字頭 阿嬌笑晒出關送驚喜

東方日報
清減了的阿嬌,與阿Sa到賀容祖兒。

天后容祖兒集萬千寵愛於一身,昨日40歲生日的她,獲上月爆出離婚後一度「神隱」的鍾欣潼罕有出山,約埋好姊妹蔡卓妍為她大搞驚喜派對慶祝,造就「龍虎豹」組合再度合體,粉絲直呼感動!

鍾欣潼(阿嬌)自與賴弘國爆離婚後,一直深居簡出,雖曾有自拍片段流出,但其實是4月時拍下的舊片段,而她除於上月底被拍得現身公司樓下後,幾乎絕迹公開場合,亦未再更新社交網。不過,面對容祖兒(Joey)踏入40歲,好姊妹「轉字頭」,當然要隆重其事,阿嬌「破例」出關,日前與蔡卓妍(阿Sa)搞驚喜派對為她慶祝,經理人霍汶希在社交網上載合照,並留言:「容祖祖,老母祝你生日快樂,希望你鍾意呢個Surprise,我哋全部都好愛你。」相中可見穿上深色衫的阿嬌消瘦不少,但狀態不俗,笑笑口心情大靚。

阿Sa立體蛋糕顯心思

阿Sa亦非常有心思,專誠將Joey數月前畫的一堆公仔圖案,實體化整成立體蛋糕送給壽星女,令Joey相當感動,並留言:「蔡卓妍係傻o架!咁都畀佢諗到呢一個蛋糕!話說我只係有一晚懶得意同佢分享我畫嘅動物,幾個月後連我都唔記得咗有呢一幕,佢竟然將佢哋一隻隻變成立體,仲加多個有底裙嘅pretty sexy,依家佢哋好似扭蛋公仔咁得意嘅動物,喺我面前出現,好開心好開心,邊有咁有心思嘅人o架!」阿Sa客氣地表示:「係因為你畫嘅畫令人一見難忘啫!」

此外,阿Sa昨日再為Joey慶生,同場還有英皇集團主席楊受成的愛兒楊政龍,他們分別在社交網上載合照,楊政龍笑指:「啊祖奶媽生日快樂,希望你開開心心,繼續騎騎呢呢!」