一碗麵幾個分Bob囝囝爭食爆喊

東方日報
Bob被邀任演唱會嘉賓,擔心嚇親觀眾。

廿四孝爸爸林盛斌(Bob)在社交網上載短片,片中他問四個「化骨龍」邊個想食撈麵?四位小朋友紛紛興奮話想食,然後由大至細按年紀排隊等餵。首先大家姐霏兒吃了第一啖,之後到二家姐熹兒,怎料到三家姐機兒的時候,細佬林道申突然打尖,Bob即叫停表示「要排隊」,囝囝以為冇份食,扁嘴爆喊!其後三家姐吃完後,Bob再叫囝囝埋位,他含着淚說「多謝爸爸」,相當乖巧。

此外,Bob將擔任演唱會嘉賓,昨日他綵排時自封「唱家班」,笑說:「最初我以為做主持,點知係唱歌,我問係咪認錯人,仲話唔好排我咁前,費事嚇走觀眾!」

Bob囝囝想打尖食麵,被阻止後爆喊!