【石原聰美都係排第六】日本網民票選10大「真實年齡令人震驚」女星

好多人話女人去到25歲就要開始保養,到30歲就好多人都覺得係人生轉捩點。除咗靠護膚品保養之外,生活習慣及心境都好緊要。當放下稚氣開始進入成熟之時,真係好用心先能夠令樣貌維持「十八廿二」咁年輕。早排有個日本網站就搞咗個「真實年齡令人驚訝」選舉,你又覺得以下邊位日本女藝人keep得最好呢?

第十位:佐佐木希(1988年2月8日)

2005年只有17歲嘅佢被星探睇中,第二年就參加初代「CALCON JAPAN」更獲得冠軍,樣子清純又甜美嘅佢真係實至名歸,更被網民稱佢為「日本美少女」。期後日子亦專注模特兒工作,更一直為日本人氣模特兒。2009年11月於日本上映電影《出租天使》更係佐佐木希首部擔任女主角嘅電影。2017年下嫁諧星渡部建,更於2018年誕下愛情結晶品。即使現年已30有1,但佢仍然被外界公認為最美媽咪,更被網站“TC Calendar”選為「全球百大美女」之一。

第九位:北川景子(1986年8月22日)

2003年憑真人版電影《美少女戰士》「火野麗」一角獲得關注,2007年有份參與電視劇《抹布女孩》更開始成為女一。之後有份參與嘅電視劇都大獲好評,代表電影作文分別有《零秒出手》、《月之戀人》及《HERO2》等。其中2016年嘅《房仲女王》更火熱爆紅,所以推出特別篇及第二季,風靡全亞洲,唔少人為佢著迷。近日,佢更洗脫自己長髮形象,為2021年準備上映改編自作家島本理生嘅直木賞得獎小說新作品《初戀》剪出一個成熟短髮造型,可以話工作又大膽新嘗試。

第八位:加護亞依(1988年2月7日)

前日本組合Morning成員,樣子可愛嘅佢人氣一直高企。但2006年時被傳媒影到唔止一次公眾地方吸煙,所以翌年3月被所屬經紀公司解僱。喺2011年12月,佢同比自己年長21歲有黑道前科嘅累犯安藤陽彥閃婚,曾經轟動一時,更會對方誕下愛女,但最終因遭家暴後離婚。喺2016年8月,佢與美容業社長結婚,囡囡亦一起伴隨。2017年亦為社長誕下仔仔。2018年加護亞依開始重返Morning娘,不過人氣已人不如前。今年年初,加護亞依與辻希美有同台演出機會,現時仍未知係咪標誌著組合W將會重新合體。

第七位:堀北真希(1988年10月6日)

有「宅男女神」之稱嘅堀北真希,樣子甜美有一對大眼睛,2005年憑日本電視劇《野豬大改造》而開始走紅不特止,2007年所播出《花樣少年少女》女扮男裝更係深入民心,及獲得第54回日劇學院賞最佳女主角獎。女神終有一日要結婚,2015年與山本耕史閃婚,翌年12月為對方誕下愛情結晶品。不過堀北真希與其他女星唔同,2017年3月佢以親筆信宣布引退,專心相夫教子。不過最近有傳佢有意復出,頭炮將會係夫妻檔合演新戲。如果佢真係復出嘅話,相信唔少粉絲都會好期待呀!

第六位:石原聰美(1986年12月24日)

石原聰美喺2003年憑電影《我的爺爺》已獲得藍絲帶獎、日本電影金像獎等多個電影新人獎。一直有「日本國民女神」之稱嘅佢平日由髮型、服裝及飾物等都成為好多日本女生想參考嘅潮流指標,所以佢曾於「全球百大美女」、「最想成為臉孔」、「如果她結婚我就罷工」都榜上有名。唔單止樣靚得到多人認同之外,演技也同樣受到認同,當中好多作文佢都帶領到高收視保證,慢慢向「日劇女王」之稱邁進。而且由出道多年,都一直有唔少緋聞出現,當中包括嘅男藝人有山下智久、瀧澤秀明、佐藤健、小栗旬及松本潤等等,位位都係高人氣男藝人。

第五位:道重沙由美(1989年7月13日)

擁有可愛面孔既可以賣弄性感嘅道重沙由美,係女子組合Morning娘第六期成員,每次見親佢都係有食咗防腐劑一樣,保持住童顏。2014年11月從隊中畢業時宣佈無限期退出娛樂圈,就冇再公開露面過。直到2016年,佢就於自己個人為交平台發表復出聲明,表示翌年會出年春天開始重新娛樂圈生活,演藝活動正式啟動!

第四位:綾瀨遙(1985 年 3 月 24 日)

綾瀨遙係數一數二喺日本擁有天使面孔及魔鬼身材嘅女藝人,出道已經19年嘅佢相信大家最記得一定係補充飲品廣告,當時佢穿上一件白色比基尼,更於廣告中跳水、浸溫泉及追巴士,非常吸晴,佢亦憑廣告成為當年眾多宅男的女神。佢除咗係女藝人及歌手之外,原來佢平時仲會接下模特兒工作,而自己出道至今更已出產過15本寫真集!去年佢都開始接拍唔同角色,例如有參與電視劇《繼母與女兒的藍調》,就算做逆齡繼母都仍然被受觸目。

第三位:福原愛(1988年11月1日)

福原愛係一個運動健將,桌球及乒乓球都咁掂!曾經獲得史上最年輕日本全國大賽兒童組冠軍嘅福原愛。佢本身並唔係一會藝人或歌手,而係一位獲獎無數及於日本知名度高嘅運動員。樣子經常掛著一份稚氣,因為童顏及似洋娃娃而被封為「國民妹妹」。2016年時與台灣桌球選手江宏傑於東京結婚,婚後三年袍兩,分別誕下大女及細仔,家庭生活幸福美滿。

第二位:多部未華子(1989年1月25日)

多部未華子喺2003年以14歲至齡出道,兩年後憑電影《HINOKIO》及《青空下講我知你愛我》獲得第48屆藍絲帶賞最佳新人獎。往後日子就算曾經參演過收視極差嘅電視劇《翼》,但佢拍劇演技大獲好評。以佢演出最為人熟悉嘅電影有《深夜食堂》及《只想告訴你》等等。

第一位:新垣結衣(1988年6月11日)

有日本「國民老婆」之稱,好多男性都想搵佢成為太太嘅新垣結衣。由出道至今,由少女變輕熟女都仍然保持童顏樣,深受日本人愛戴。而工作方面,2012年《Legal High》及2016年《僱傭妻子》,令佢事業再創高峰。而平日都有做模特兒工作,拍下寫真集嘅結衣,已經闊別寫真界7年,喺今年宣佈會下月5日會推出一本名為《YUI ARAGAKI NYLON JAPAN ARCHIVE BOOK 2010-2019》嘅書加寫真,想買嘅粉絲千祈唔好錯過喇!