睇完皇室大婚未夠喉?仲有呢5套片

最近全球盛事,應該要數英國哈里王子同美國女星梅根的皇室婚禮。真正的王子娶公主,應該係好多人點恨同點有錢都辦唔到的夢幻婚禮。除左婚禮呢啲大喜慶事,皇室成員的日常或者軼事都一樣咁引人入勝,精彩故事甚至成為傳媒同全球人關心嘅對象。咁無他的,佢地真係blue blood,如假包換的皇后、皇上同王子嘛!

因為英國以至世界各地都有唔少人對「他們這一家」大有興趣,製片商自然會拍皇室成員故事,等大家八多啲。睇下近年有咩以皇室成員為主題的電影先:

《Charles & Camilla: Whatever Love Means》 (2005年)

皇室故事當然唔少得查理斯王子,佢同戴安娜關係一般,不過對住當時仲係秘密情人的卡米拉就情聖上身,有講唔完的話題同寫極都有的情信。電影著墨於查理斯同卡米拉的關係,王子亦唔只係令戴安娜唔開心咁表面的負心漢。

《英女皇》(The Queen) 2006年

以英女皇為故事的電影都唔少,海倫美雲(Helen Mirren)應該係飾演英女皇次數最多的影星!電影《英女皇》以戴安娜因車禍喪生後一星期,英女皇與首相貝理雅(Michael Sheen飾)所代表的英國皇室及政府,如何處理人民皇妃之死。

英女皇認為戴安娜已跟查理斯王子離婚,不再屬於皇室成員,基於禮節與皇室傳統,葬禮應該以「私人性質」處理。可是看法與國民期望有出入,皇室因此民望大跌。首相貝理雅如何幫手解決呢場公關災難呢?海倫憑此片嬴得奧斯卡最佳女主角。

The Audience, 2013年

又係Helen姐,不過呢次係舞台劇!故事講述女皇在位至今,與12位首相每週二談話內容絕對保密的例會,由此側寫女王與歷任首揆的小故事,連女皇最愛的哥基狗都有登場!National Live Theare系列亦有在本港的戲院上映過。

《皇上有話兒》(The King’s Speech) ,2010年

故事講述由哥連費夫飾演的喬治6世(即係現任英女皇的爸爸),繼位後因為自己有口吃問題難以向國民演講同做廣播而苦惱。礙於國王顏面,不能開誠佈公話自己不善言辭,但次次見人民都口窒窒又確實難以取悅人民,唯有轉投坊間另類治療師(Geoffrey Rush飾演),最後成功演繹一次又一次振奮人民的演說。此片無扭橋,起承轉合講的勵志故事,不過睇到原來國王都有難處,觀眾受落。當年仲橫掃多個電影大獎,包括奧斯卡金像獎的最佳影片、最佳男主角、最佳導演同最佳劇本4個大獎。

《William & Kate:The Movie》(2011年)

皇室成員係英國人民每日話題之一,非常熱愛!所以威廉王子同凱特成婚之前,就有2套改編佢地故事的電影,其中一套係Livetime出品的《William & Kate:The Movie》,拍返2位係校園認識及相戀的經過,無咩特別,尤其是2位演員同威廉與凱特無忽似!有d似睇《娛樂插班生》……

《戴安娜》(Diana)(2013年)

記載被譽為「人民皇妃」、「英國玫瑰」的戴安娜,車禍喪生前2年的愛情故事。電影主要描述戴安娜(娜奧美屈絲飾)與查理斯王子婚姻破裂後,與心臟外科醫生凱恩(納文安德魯斯飾)相識相戀的故事。當時離婚後的戴安娜係媒體窮追不捨的對象,成為焦點的壓力成為愛情最大的考驗。

娜奧美屈絲的演技無可置疑,但故事內容未有深刻描寫戴安娜的心路歷程,猶如將八卦新聞再次重溫,結果電影上映時影評與票房雙雙滑鐵盧。