着睡衣晒腿!黃心穎布置聖誕樹意有所指

黃心穎經歷偷食許志安事件後,心情似乎已平復。

因偷食人夫許志安導致敗走美國兼潛水8個月嘅藝人黃心穎,日前終於返香港,一見傳媒即爆喊認錯,仲話今次返香港主要係陪家人,不過外間推測她係想「試水溫」謀復出!返到屋企嘅佢心情相當唔錯,今日仲喺社交網大晒着住睡衣晒腿布置聖誕樹嘅相,倒數仲有6日就到聖誕之餘,仲借此抒發感受,佢以英文留言表示:「每年聖誕樹上嘅裝飾品都會重新排列。重要嘅會繼續自豪地高掛,但有啲就會跌落嚟,而有新意義嘅又會取代佢哋。不過總而言之,棵樹係唔會停止照亮房間,並會繼續為嗰啲睇到佢內在美嘅人帶嚟歡樂。」似乎將自己比喻成聖誕樹,暗示會繼續為欣賞佢嘅人發光發亮,咁......即係決心要復出?

另外,今日有報道指,黃心穎主動提出約滿後會以賤價續約,以後對公司聽教聽話,更表示唔會再亂搞男女關係,洗心革面求復出。