真愛!張栢芝照出中環開舖 喜獲鐵粉幫襯

係…真愛呀!

藝人張栢芝喺中環開時裝店搞個人品牌,身為老闆嘅佢依家放晒全副心機落去,之前就多次被拍得親身到中環開舖,仲做埋Sales姐姐Sell客,都真係唔話得!今日交通大混亂,栢芝都堅持要揸車出動開舖,估唔到都有得着喎。

當大家都仲頭痕點返工之際,今朝一早栢芝都已經起身落中環,見佢社交網貼文話出發,隔咗個幾鐘佢先話返到舖頭,而原來舖頭門口一早就有位忠心耿耿嘅男鐵粉等咗好耐,一見到偶像都即時彈出嚟,又晒佢啲珍藏又剩咁,栢芝仲喺社送網放片Show二人對話,見佢哋以普通話交流,似乎唔係香港粉絲,栢芝亦好識做咁讚個男粉絲可愛,去到尾對方仲課金買咗個背囊先走人,睇嚟都係真愛先堅持到追星嘅決心呀!