【真人靚過上鏡】食飯中途被邀直播 濾鏡下佘詩曼個樣好奇怪

年過40嘅佘詩曼一向都保養得宜,佢嘅凍齡技術一向令人驚嘆。上年參與拍攝內地熱爆宮廷劇《延禧攻略》令佢紅遍中港台,去到邊都有人同佢影相。近日佢喺內地約朋友食飯去打邊爐,網紅老闆立即搵佢自拍,點知喺美顏濾鏡嘅加持下佘詩曼塊面尖咗,對眼又大咗勁多,加上美肌磨皮效果,成個樣睇落都好唔自然,連阿佘自己都嚇親行後咗幾步。雖然有啲尷尬,不過阿佘都冇拒絕,繼續微笑對住鏡頭影相。

當時有其他網友在場偷拍阿佘,佢身穿黑色圍衣,雖然打扮低調,個樣仍然非常出眾,難掩美貌。唔少網友都大顏佢高顏值,又話呢個就係明星同路人嘅分別。