相隔18年同張智霖再鬥戲 袁詠儀失控喪笑

佢哋再合作拍影視作肯定係收視嘅保證!

張智霖同袁詠儀呢一對夫婦都有演員嘅身份,不過佢哋嘅合作次數非常少,對上一次一齊拍劇要數到《官場插班生》,相隔咗18年,佢哋終於喺內地綜藝節《演技派》中再次合作,上演「吳王與西施」嘅場口!

睇返佢哋今次合作,對戲開頭袁詠儀好正常,點知去到張智霖偷襲錫錫之後,佢就不停喪笑,連續幾次都係咁,搞到一臉認真嘅張智霖都有啲無奈,袁詠儀突然提議整番個搞笑版,嚇到張智霖即時Say No,之後袁詠儀解釋喪笑嘅原因,係因為佢哋太熟一見到張智霖個樣就忍唔住,好彩最終佢哋都順利演出!

袁詠儀演技點?張智霖梗係讚好啦!

見識過佢哋合作出嘅「火花」,終於都明白袁詠儀點解咁耐都冇同張智霖拍嘢嘅原因,喺事後訪問中,袁詠儀話佢哋都成長咗,其實失控嘅情況已經有改善,唔知佢哋會唔會考慮合作番套影視作品呢?

18年前就係合作呢部劇集《官場插班生》。